Oblíbené biblické verše z Titi 1

Sdílet

Bi tua ke bi bani U Tienu, ama bi nia o bi bontienkaala nni. Bi tie cancaginniba leni niyiekaaba, ki kan fidi ki tieni tuonŋanliba kuli.

Li bonla kuli ŋani cain, yaaba n ŋani cain po. Ama liba kuli ki ŋani cain yaaba n joagini po, bani yaaba n kaa daani yeni po, kelima bi yantiali leni bi pala siedi kuli joagini.

Wan yaa kubi i moamoani maama, yaama n tie mi madugikaama nani ban den bangi o maama. Lani n tie wan fidi ki bangi mi bangiŋanma, ki yaa paagidi bi niba pala. O go baa fidi ki maadi ki guli yaaba n bua ki nia ma kuli.

Li tie tiladi ke Kilisiti Nitaanli gobidika n yaa tie U Tienu naacendugika, wan da pia ban baa fidi ki kuli o leni yaala. Wan da tie tupaalu daano, mutuodaano, dañolo, yua n faadi li koanli leni yua n kuandi o yama i janbi ñuadi nni. Wan yaa tie yua n gaani bi niba cangu, ki bua yaala n ŋani, ki yaa pia li kpaagili, ki tiegi, ki gagidi ki ŋani, ki kubi o yuli.

Li tie tiladi ke nikpelo kuli n yaa tie ban kan fidi ki kuli yua leni bonliba. O baa yaa pia puoyendo bebe leni yaa bila n daani Jesu, bi niba n kan fidi ki tabi yaaba leni cagindiba, bi ke bi tie biyenyieda.