Oblíbené biblické verše z Mi Doagidima 8

Sdílet

Ki Pebiga n den tabidi mi maalima bontabinkaala lele yaa yogunu, li bonla kuli den tie suo tanpoli po hali leedi boagidima.

O malekikpialo den piebi o kakaci, ke a tatana leni yaa mu n kali leni mi soama den baa ki tinga po, ke ki tinga boagidimitaa kuli siiga boagidiyenma den buodi. Tiidi taa kuli siiga, tiyenbu den buodi. Ti moasoangidi kuli den buodi cain.

Min go den diidi yaa yogunu, n den gbadi ke jiebani yua n yugi hali tanpoli kpaani ki tua: «Fala, fala, fala baa ki tinga niba po, kelima yaa malekitaadiba n sieni n baa piebi bi kakacinba ki tieni yaa fuugu po.»

O malekilielo den piebi o kakaci ke bi luni mi ñincianma nni yaa bonla n naani leni yaa joacianli n co, ke mi ñincianma boagidimitaa kuli siiga, boagidiyenma tua soama .

O malekitaalo den piebi o kakaci ke yaa ŋmabicianli n co nani u mukaanu yeni den ñani tanpoli po ki baa. Li den baa kpenitaa siiga kuli kpenyendu nni leni a ñinbuna kuli nni. Li ŋmabili yeni yeli yi: “U Tonu.” Mi ñima kuli, kaanitaa kuli siiga kaanyendu den lebidi ki to. Niba boncianla yaaba n den ñuni den kpe kelima mi ñima n lebidi ki to yeni po.

O malekinaalo den piebi o kakaci. Bi den pua u yienu leni o ŋmaalo leni a ŋmabila ki teni ke bikuli boagidimitaa siiga kuli, boagidiyenma den biigi, hali ke li daali yenma boagiditaadima siiga, boagidiyenma den bodi, ku ñiagu mo den tua yeni.