Oblíbené biblické verše z Hebilunba 11

Sdílet

Li dandanli tie o nilo n bani cain ke o sugini ki baa yaala, ki go tie wan kaa nua yaala yaa doagidima. Li tie li dandanli yaa po ke U Tienu den tieni bi nikpiaba po o siediŋamo.

Oba kuli kan fidi ki mangi U Tienu pali, kali li dandanli yaa po. Li tie tiladi ke yua n pundi U Tienu kani kuli n daani ke o ye, ki baa pa yaaba n lingi o kuli i panpaani.

Li tie li dandanli yaa po ke ti bani ke U Tienu den tagi ŋanduna leni o maama. Lanwani, tin nua yaala ñani tin ki nua yaala nne.

Li tie li dandanli yaa po ke Abalahama den tuo ki tieni U Tienu n yedi o yaala, wan den yini o yaa yogunu, ki fii ki gedi wan baa baa ki diedi yaa diema nni. O den fii ki caa kaa bani wan caa naankani. Li tie li dandanli yaa po ke o den kua ki kali nani o nilamo yeni, U Tienu n den niani o yaa diema nni. O den ye a gbandiena nni leni Isaaka leni Jakob, bani yaaba n den taani leni o ki baa U Tienu ñoanianu yeni.

Li tie li dandanli yaa po ke Nowe den cengi U Tienu n den tuodi ki waani o ke yaala n baa tieni, ba ke bi daa den nua la. Li fangili yaa jeje den cuo o U Tienu po, ke o kpie ku ñinbiaciangu, ki baa gaa o deni yaaba miana. Wan den tieni yeni, o den buni ki cuo ŋanduna, ki den baa li moamoansaali , yaali n baadi kelima li dandanli yaa po.

Li tie li dandanli yaa po ke U Tienu den taa Enoki ŋanduna nni, ke waa bandi mi kuuma. Baa go den laa o, kelima U Tienu den taa o. Hali ke o daa den taa o, i Diani den tieni o po siedi ke o mangidi U Tienu pali.

Li tie li dandanli yaa po ke Abeli den padi U Tienu po yaa padili n ŋani ki cie Kayini yaali. Li tie li dandanli yaa po ke U Tienu den yedi ke o tiegi, ki den gaa wan padi o po yaa padili. Laa dandanli yaa po yo ke o baa ki maadi, ba ke o kpe.

Li tie li dandanli yaa po ke U Tienu den puni Sala u fidu ke o baa u buolu. Ba ke o den podi, wani yua n den tie ŋoaliga, kelima o den nua ke yua n niani u ñoanianu yeni tie dugika.

Abalahama den tieni yeni, kelima o den guu ke o baa le yaa dogu n pia a tanpuupaala, U Tienu n tie yuu yaa dianka leni u maalo.

Li tie li dandanli yaa po ke Musa n den fandi, o den yie ke ban da yini o Faraon bisalo bijua. O den sua ke bi yaa taani ki faligi o leni U Tienu niba, li cie wan mangi o pali leni ti tuonbiadi yemanma, yaala n tie bonpendikaala. O den kpaagi ki nua ke U Tienu n Gandi Yua fe tie o po bonmoanla ki cie Ejipiti ŋalimano kuli, kelima o den nua liiga po, wan baa baa yaa panpaani. Li tie li dandanli yaa po ke o den fii ki ñani Ejipiti nni, kaa jie o bado pabienli. O den juuni ki se ke li pa, kelima o nua oba kuli n ki nua yua.

Li tie li dandanli yaa po ke Abalahama den padi Isaaka, U Tienu n den biigi o yaa yogunu. Wani yua n den baa u ñoanianu, den tuo ki baa padi o bonjayenyenga

Li tie li dandanli yaa po ke li puoconconli Rahabi ki den taani ki bodi leni U Tienu yiekaaba, kelima o den gaa Isidayeli yaaba dodiidiba cangu, ki todi ba.

Li tie li dandanli yaa po ke Isidayeli yaaba den duodi mi Ñincianmoanma, nani ki tinkuonga yeni. Ama Ejipiti yaaba n den moandi ki baa tieni yeni, mi den milini ba.

Li tie li dandanli yaa po ke Isidayeli yaaba den cuoni ki lindi Jeriko dogu bilinciami, hali danalele, ke i bilinciami yeni baa.

Li tie li dandanli yaa po ke o den teni ke Isidayeli yaaba cili mi Pendima jaanma , ki go mii mi soama a buliñoana po, ke mi kuuma maleki n da sii Isidayeli yaaba bonjakpiala.

Li tie li dandanli yaa po ke Josefi n den bua ki pundi o miali bianu, o den maadi Isidayeli buolu ñama Ejipiti nni maama, ki go bili li ñoamabonli, ban baa ti tieni o tinkpikpaba maama.

Li tie li dandanli yaa po ke Jakob n den baa kpe yaa yogunu, o den gaali Josefi bila, biga kuli, ki ñii o gbiamu yuli po, ki kpiagi U Tienu.

Li tie li dandanli yaa po ke Isaaka den gaali Jakob leni Esayu, yaa yema n ye liiga po.