Oblíbené biblické verše z Efesa 5

Sdílet

Lanwani, yin yaa ŋua U Tienu fuuli, nani o bibuadimu yeni. Yin yaa ye leni yiyaba leni mi buama, nani Kilisiti n den bua ti maama, ki puni o yuli U Tienu, ki tua yaa paabu leni yaa padili yaa nuulu n mani.

Lani yaa po, yin yaa fangi mani yi yula leni yi tagi n tie maama. Yin da tie nani bi yanluodanba yeni, ama yin yaa tie nani bi yanfuodanba. Yin daa u yogunu, kelima yaa dana n tie ne bia.

Yin da ñu mi daama ki gaadi, kelima li baa teni yin biidi yiba, ama yin yaa gbie leni U Tienu Fuoma Yua. Lani, yi baa yaa maadi leni yiyaba, ki togidi Pisominba leni yaa yani n pagi U Tienu leni U Tienu Fuoma Yua n gobidi yi, ke yi yini yaa yani. Yaa yiini mani ki pagi o Diedo leni yi pala kuli. Yaa tuondi mani U Tienu yua n tie Baa yogunu kuli li bonla kuli po, ti Diedo Jesu Kilisiti yeli nni.

Lani yaa po, yin da tie yanluodanba, ama yin yaa fani ki moandi ki bandi o Diedo yanbuama.

Yinba bi puodanba, yuakuli n yaa bua o pua, nani Kilisiti n bua o Nitaanli maama, ki puni o yuli ki kpe li po.

Yi den kpa tie li biigili yaaba, ama moala yi tie mi yenma yaaba o Diedo nni. Yi tagi n yaa tie nani mi yenma yaaba yeni.

Yin yaa miindi yi yula yiyaba kani kelima yin pia Kilisiti po yaa fangili yaa po.

Yinba bi puoba, yuakuli n yaa miindi o yuli o calo kani, nani wan miindi o yuli o Diedo kani maama.

Li mayuli yinba yaa po tie, ke joa kuli n yaa bua o pua nani wan bua o yuceli maama, pua kuli mo n yaa fangi o calo.

Li diani: «Li tie lani yaa po ke o joa baa ña o baa leni o naa kani, ki taani leni o pua, bani nibilie yeni n tua gbananyendi.»

ki da pia ŋantaadoba kuli leni li biigili tuona, ya n ki pia fuoma, ama yin doagidi ke a bia.