Oblíbené biblické verše z Efesa 1

Sdílet

N go miadi o ke wan yendi yi yantiana nuni, ke yin fidi ki bandi yaa suginma n tuugi leni o yiinu leni wan bili o nigagidiŋanba po yaa ŋalimano, ke o pia ti kpiagidi. N go miadi o ke yin bandi, o paalu yuu n tuuni tinba yaaba n dugi o po yaa niinni n yabi hali ke li kandi maama. O paalu yuu n tuuni ti niinni yeni tie wan den soani leni yuu, ki fiini Kilisiti bi tinkpiba siiga ke o go ye ki fo, ki kaani o o jienu, tanpoli po. Wani Kilisiti ka lankani ki die mi diema danba, li bali danba, bi paatieba leni bi diediba kuli. O yeli cie yeli kuli, yaa yogunu n tie ne leni yuu n baa ti cua kuli.

U Tienu den tuodi ki gandi ti Kilisiti nni, hali ke ŋanduna daa den tagi, ke tin yaa tie yaaba n gagidi ki ŋani, kaa pia tagiliba kuli o nintuali. O buama po, o den tuodi ki bili ke tin baa mu bimoanmu bali, kelima Jesu Kilisiti yaa po. O yanbuama leni o yanjagiŋanli yaa po yo, ke o den tieni yeni.

Ti baa mi daafaabima o niinni kelima o soama po leni ti tuonbiadi sugili, nani o ŋanbili n yabi maama po.

Tin pagi U Tienu yua n tie ti Diedo Jesu Kilisiti Baa. Wani n puni ti U Tienu Fuoma seli kuli Kilisiti nni, tanpoli po.