Oblíbené biblické verše z 1 Pieri 2

Sdílet

Ama yinba wani, yi tie ban den gandi yaa buolu, o Bado kopadicianba, yaa buolu n gagidi ki ŋani, wan baa yaa buolu o yuceli po. O yini yi ke yin ña li biigili nni, ki kua o yenma yaama n ŋani cain nni, ke yin yaa wangi o tuona yaa n ŋani boncianla.

Wani yua n den tugi ti tuonbiadi O gbanandi nni ku daagu po, Ke tinba yaaba n kpe ti tuonbiadi po yeni, N yaa ji ye ki fo, ki tiendi mi teginma. Li tie o poagilima yaa po yo, ke yi paagi. Yi den tie nani yaa pe n yaadi yeni, Ama moala, yi guani yi yankpaaŋamo kani, Wani yi guudika yaa kani.

Yii den kpa tie o buolu, ama moala yi tua o buolu. Yii den kpa baa ke o gbadi yi po ninñima, ama moala o gbadi yi po mi ninñima.

Nani a canpanda n bua mi biima maama, yimo n yaa bua yaa naaŋanma n tie U Tienu maama yeni. Laa maama ŋani cain, ki baa teni yin kpedi mi tindima nni, kelima mi yaa po

N buakaaba, n mia ki go tundi yi, yinba yaaba n tie canba leni sancenba ŋanduna nni, ke yin yaa yiedi ki da tiendi yi gbanandi bonbuakaala, yaala n tiendi bu toabu leni yi yantiana. Yin yaa pia u tagiŋamu bi nilanba siiga. Lanwani, ba bi yaa kuli yi ke yi tiendi yaala n bia, ban le yi tuonŋama, ki kpiagi U Tienu, o cuama daali.

Yinba yaaba mo n tie nani yaa tana n fo, teni mani ban maa yi yin tua U Tienu diegu, o Fuoma n ye naankani. Lani, yi baa tua yaa kopadicianba n gagidi U Tienu po, ki padi o po yaa pada n gagidi, ki go mani o po, kelima Jesu Kilisiti yaa po.

Lani yaa po, yin ŋaa mi biadima, i boandi buoli kuli, palalie yantiali, li nunponbiadili leni ti sugidi buoli kuli.

Yaa kpendi mani o Diedo kani, wani, yaa tanli n fo kani. Bi nisaaliba n den yie ki luni yaali, U Tienu den gandi line, ke li pia mayuli boncianla.

Yi tie yaaba n faabi, yaa tie mani yaaba n faabi n baa yaa tie maama. Yin da teni yin die yi yula maama po n pa yi u sanu yin wuoni yi biadima. Ama yin yaa tie nani U Tienu naacenba n dagidi ki yaa tiendi maama.

Lanwani, U Tienu bua ke yin yaa tiendi yaala n ŋani yeni, ki fidi ki mubini bi yanboandanba leni bi yanpiidanba ñoana.