Oblíbené biblické verše z Marko 2

Sdílet

Jesu, na pwide satshavbo, a di va hakha, khuye: “Khandri vale va gu ni womi va vbwetago nyanga, aholu vadwali. Eni kha nya tela guta rana va nya gululama, aholu, sighohi.”

Jesu, na wonide gukhodwa gwawe, a di embela gilima, khuye: “Mwanangu, sighoho sago si tsetseledwe.”

A di engedza gambe, khuye: “Sabhadho yi di giredwa muthu, khandri muthu a nga giredwa Sabhadho

Kha nga ulo va ngamba dzi kodza gu gi vbohisa vbafuvbi gwaye, khu kotani nya vathu va nga bani vari vangi, va di lita vbatshani vaya tshula gikoli nya nyumba omu a nga bani a romo Jesu; na va girile isoso, va di reledza lithatho nya gilima.

Gasi mufela gu dziti nya gukhenu Mwamana wa Muthu a na ni tshivba nya gutsetselele sighoho mafuni.” Khavbo avbo, a di embela gilima, khuye: “Khuga u eme, dzega lithatho lago u hongola gaya gwago.”

Khu gevbini gi vbevbugidego, gu embela gilima, kheni: ‘Sighoho sago si tsetseledwe’, ni gukheni: ‘Khuga u eme, u dzega lithatho lago u hongola?’

Khavbo avbo, gilima gi di dzegela gu khuga gi ema gi dzega lithatho laye mahoni nya gidzemo gyatshavbo. Na va wonide esi, vatshavbo va di liwuga ngudzu, gumogo ni gu dhumisa Nungungulu, khavo: “Gima hi si gu woni nya nga esi.”