Oblíbené biblické verše z ŊwɑꞋnɛ-Gɑŋntúu Yɛ́su Kɛlístɔ 4

«Pʉɔ kɛ́ ŋ́ɡẅɛɛ nɛlɛɛ pɔ nǔu Yɛ́su lɑ́ ńduk, mbíꞌŋɡɔ wɛcɔ́ ŋu ndɛꞋ kɑ́ pɔ́ ndǔ yɔ mbí ḿbɔ́ ẅi Sɛ́ kɑ ńzɑ́pnɛ wɛ́ nɛpɔ́ yi pɛkŋɛ ɡʉ ńdɛɛ nǔu wɛ́ ńduk pɔ́.»

Pɔ́p kɑ cɛꞋlɛ Sɛ́ tɛ ḿbɔ́tnɛ ńnɑ́ŋ, zʉꞋ yí pɔ́p kɑ cúꞋlɛ́nɛ zúꞋu tsʉ́Ꞌnɛ. Zẅikŋɛ Lɛ́ɛnɛ́nɛ jʉ́ wɔ́p pɛ́tsʉʉ. Pɔ́p zɛ nɛsẅíi nu-Sɛ́ kɛ́ pɔ́k.

Ɔ́ɔŋ Tsɑpʉɔ, líŋɛ ŋkɔ̂ɔnɛ lɑ ńjʉ́ɔ pɑ́Ꞌ pɔ́p sɛ́ ḿbɑpmɛ wɛk. Gɑ́ sʉktʉ́m mbɔ̌ ɡɑŋfɑꞋ pú, pɔ́p sẅíi nu yú kɛ́ pɔ́k.

Jʉ́ lɔknɛ ḿbɔ́ ŋɡɔꞋ yi ŋwɑꞋnɛ-Sɛ́ cúnɛ nu nǔu wɛ́ ŋɡɔ: «ŊɡɔꞋ yí pʉʉ pɑpɔ́ɔndɑ́ kɑ mɛꞋnɛ, kɑ tsʉ́Ꞌnɛ ŋɡɔꞋ nɛlẅí-ndɑ́.»

Pʉɔ pinɛ pɔ́p kɑ nɑ́ŋnɛ sɛ́ ḿbɔ́ ŋ́ŋɑk wɔ́p, jʉ́ɔ ntɛ́ yi Pyɛ̂ pɔ́p Jɑ̂ŋ lɔknɛ ńcú nu kɛ́ pɔ́k ɛ́ kʉꞋnɛ wɔ́p, mbíꞋŋɡɔ pɔ́p kɑ pɔ́ ńjí ŋɡɔ pɔ́p pɔ pɛmɛɛ pʉɔ, mbɔ pɔ́p ŋkɑɑ kɛ́ ńzíꞋ sɛkút tɛꞋ pɔ́. Pɔ́p ɡɔ́ɔ ŋ́kɛ́ ńdii ŋɡɔ pɔ́p ɡɛ pɔ́ꞌɔ, mbíꞌŋɡɔ pɔ́p pɛ́ Yɛ́su kɑ pɔ́ ńtɛmtɛ ku ńnɛn.

Nɔɔ-pʉɔ-Yɛ́su kɑ pɔ́ ŋ́ɡẅɛɛ pɔ tɑ́Ꞌ ntsu, ŋ́ɡẅɛɛ pɔ tɑ́Ꞌ tʉ́m. Sɑ̌ɑ ŋu nǔu pɔ́p ŋkɑɑ pɔ́ ŋ́ɡẅɛɛ yúu ŋɡɔ ɛ́ pɔ́ pɔ yɛ́ pɔ́. Pɔ́p kɑ pɔ́ ńtɛmtɛ yúu tɛmtɛnɛ.