Oblíbené biblické verše z Псалм 119

Sdílet

Тыро́ лав исын момолы́тко (свети́льнико) мирэ́ ґэрьякэ, и дуд пэ миро дром.

Мэ гарадём Тыро́ лав дро пэ́скиро ило́, соб (кай) ма́нгэ тэ на кэра́в грэ́хи проти Ту́тэ.

Сыр могинэ́ла тэрно́ ману́ш тэ дживэ́л би дошэнгиро? Ке́ли ёв явэ́ла тэ рикирэлпэ кэ Тыро́ лав.

Бахталэ́ исын одолэ́, савэ́ рикирэнапэ кэ Лэ́скирэ допхэныбэна, савэ́ родэ́на Лэс сарэ́ илэ́стыр.

Пал Ту́тэ мэ гарадёвава, и мэ зракхавапэ сыр пал шчы́то, мэ ужакирава лачхипэ́н Тырэ́ лавэ́стыр.

Кэр, соб (кай) мэ тэ ґалёвав лэн и мэ ява́ва тэ рикиравпэ зоралэ́с кэ Тыро́ Зако́но и мэ ява́ва тэ приракхав лэс сарэ́ мирэ́ илэ́са.

Бандякир миро ило́ кэ Тыро́ нарипирибэн, а на кэ ґалкима.

Ту пририкирдян ман ваш миро лачхипэ́н, соб (кай) ма́нгэ тэ высыклёвав Тырэ́ стату́ты.

Дава́ подрикирэ́ла ман, ке́ли ман притасавэ́на, пал-дова́ со Тыро́ лав дэ́ла джиибэ́н ма́нгэ.

Кэр, соб (кай) мэ тэ псирав дромэ́са пир Тырэ́ припхэныбэна́, пал-дова́ со лэ́ндыр мэ бахталёвава.

Сыкля́кир ман, Раё Дэ́вла, Тырэ́ стату́ты, и мэ ява́ва тэ рискирав годы́ кэ ёнэ кэ (ко́нцо) яго́ро.

Миро ди калёла, зораля́кир ман Тырэ́ лавэ́са.

О, ма́нгэ пир ило́ Тыро́ Зако́но. Мэ розлава лэс дывэсэ́ и раты́.