Oblíbené biblické verše z Псалм 103

Sdílet

Славин и парикир Ра́скэ-Дэвлэ́скэ, миро ди, и на бистыр лэ́скиро баро́ лачхипэ́н.

Рай Дэвэ́л примангэла саро́ миро чорипэ́н, Ёв высастякирэла сарэ́ мирэ́ дукха́. Ёв выракхэла тыро́ джиибэ́н хасибнастыр, Ёв чхудя́ вя́нка (коро́на) пэ ту́тэ лачхипнастыр и лачхэ́-илыткиматыр, Ёв дэ́ла дова́, со ту камэ́са, соб (кай) ту тэ дживэ́с сыр тэрно́ о́рло (ки́до).

Давидо́скиро Пса́лмо. Славин и парикир Ра́скэ-Дэвлэ́скэ, миро ди, мэк миро ило́ и ду́хо (фа́но) тэ славинэ́н Лэс.

Сыр ада́кицы бут дад тангинэла пэ́скирэ чхаворэ́н, адя́кэ-паць зорало́ Рай Дэвэ́л тангинэла одолэ́н, савэ́ дарэ́на Лэ́стыр.

Ада́кицы дур исын чачэ́ рига́тыр кэ зэ́рво (ле́во) риг пэ пхув, ада́кицы-паць дур ёв чхувэ́ла криг амарэ́ грэ́хи.

Рай Дэвэ́л исын лачхэ́-илэ́скиро и тангинэла сарэ́н, Ёв насыгэс холясо́ла и исын барвало́ тэ сыкавэ́л Лэ́скири лачхэ́-илы́ткима.

Ёв на кэрдя́ адя́кэ, соб (кай) амэ тэ явас бангэ́ пал амарэ́ грэ́хи, Ёв на отдыя́ палэ фуипнаса амэ́нгэ пал амаро́ чорипэ́н. Пал-дова́ со сыр вучэ́с исын болыбэ́н пхувья́тыр, ада́кицы-паць бут исын лачхэ́-илы́ткима Дэвлэ́стэ ваш одолэ́нгэ, савэ́ дарэ́на Лэ́стыр.

Рай Дэвэ́л зачхудя троно Пэ́скэ пэ болыбэ́н и лэ́скиро кралипэ́н рикирэ́ла зор пир саро́.