Oblíbené biblické verše z Притчы 20

Sdílet

На ра́кир: “Мэ адя́кэ-паць кэра́ва биба́хт палэ лэ́скэ.” Ужакир Рас-Дэвлэ́с и ёв дэ́ла зор ту́кэ.

Рай Дэвэ́л дэ́ла зор манушэ́нгирэ ґэрэнгэ, карик тэ джа́н, сыр тэ́ньчи манушэ́скэ сашты́ тэ ґалёл пэ́скиро дром?

Манушэ́скиро ду́хо (фа́но) исын Дэвлэ́скиро момолы́тко, со пиридыкхэла саро́, со исын андра́л манушэ́стэ.

Манушэ́скирэ годякирэ ду́мы исын сы́рбы хор пани́, нэ годьваро́ ману́ш пхарэла (вылэла) лэн яври́.

Кон пхукавэла (пиридэла), кодова́ отчхакирэла гарадэ́ ду́мы, палдава́ на яв кхэтанэ́ адасавэса, кон откэрэла буґлэс пэ́скирэ ушта́.

Ману́ш кэрэ́ла паты́в пэ́скэ, ко́ли ёв тэрдякирэла кошыбэ́н, нэ кажно дылынинько ману́ш дэ́лапэ тэ чингардэлпэ.

Чачуно́ ману́ш дживэ́ла би дошэнгиро: лэ́скирэ чхавэ́ исын бахталэ́ пало́ (после) лэ́стэ.