Oblíbené biblické verše z Притчы 15

Sdílet

Ковло отпхэныбэ́н штылякирэла холы́, нэ пхаро́ лав выкхарэла барэды́р холы́.

Кон дарэ́ла Ра́стыр-Дэвлэ́стыр, одова́ сыклёла годыпнаскэ, и анги́л, сыр тэ дорэсэл паты́в, трэй тэ явэ́л напхутькирдэса.

Лачхи́ чиб исын сы́рбы джиибна́скири ґаны́нг, нэ мижэх чиб пхагирэ́ла ду́хо (фа́но).

Со ману́ш придуминэла би годэ́-лавэнгиро, савэ́ дэ́на бут мануша́, одова́ дэ́лапэ дукха́, нэ кай бут мануша́ дэ́на годы́, одо́й саро́ исын зорало́ (мишто́).

Радымакиро (лошало) ило́ кэрэ́ла бахтало́ муй, нэ калыпэ́н пэ ило́ пхагирэ́ла ду́хо (фа́но).

Ра́скирэ-Дэвлэ́скирэ якха́ исын пэ кажно штэ́то и дыкхэ́на цямкэс пал фуе́ и лачхэ́ манушэ́ндэ.

Тэ явэс чороро́ и тэ дарэс Дэвлэ́стыр исын фэды́р, сыр тэ явэс барэ́ барвалыпнаса, нэ пхарипнаса пэ ило́.

Холынакиро ману́ш выкхарэла кошыбэ́н, нэ кон рикирэ́ла пэс холя́тыр, одова́ ковлякирэла чинга́рд.

Чачунэ́-манушэ́нгиро ило́ обдуминэла (сыклёла), сыр тэ отпхэнэл, нэ фуе́-манушэ́нгиро муй пырскинэла бибахтяса.