Oblíbené biblické verše z Притчы 12

Sdílet

Калыпэ́н пэ ило́ притасавэла манушэ́с, нэ лачхо́ лав радынэла лэс.

Кон камэ́ла, соб (кай) лэс тэ сыклякирэ́н, одолэска трэй джиныбэ́н, а кон древа́н на камэ́ла, сыр сыкавэ́на лэ́скири банг, одова́ исын нагодо.

Кон ракирэ́ла, и на думинэ́ла, одова́ промарэла явирэ́с сыр курта́ла (сабля), нэ годэ́-манушэ́нгири чиб састякирэла лэс.

Дылынэскиро дром исын чачуно́ дрэ лэ́скирэ якха́, нэ одова́, саво́ кандэ́ла, сыр лэ́скэ дэ́на годыпэ́н, исын годо́.

Дылынинько ману́ш екха́тыр зоралэ́с холясо́ла, нэ барэ́-годя́киро счхакирэла холы́.

Куч ромны́ исын сы́рбы коро́на пэ ромэскиро шэро́, нэ кодоя, сави́ ладжакирэла лэс, исын сы́рбы кирныпэн дрэ лэ́скирэ кокалы́.

Рай Дэвэ́л рикирлапэ дрэ риг хоханэ́ уштэндыр, нэ одолэ́ндыр, савэ́ кэрэ́на пир патяибэ́н, Ёв бахталёла.

Чачунэскэ трэй тэ выкэдэл малэн (другэн), пал-дова́ со фуй мануша́ лыджа́на криг дромэ́стыр.

Патяибнытка лава́ явэ́на тэ рикирэнпэ ўса́ды (сак), нэ хоханы чиб пэ моменто.