Oblíbené biblické verše z Ниеми́я 8

Sdílet

И пхэндя́ лэ́нгэ: “Джа́н, хан тхуло, и пьен гудло́, и бичхавэн хабнытка котэра́ (куски) одолэ́нгэ, конэ́стэ ничы́ нанэ заготовиндло; пал-дова́ со дывэ́с дава́ исын свэ́нто амарэ́ Ра́скэ-Дэвлэ́скэ. И на пиридживэн, пал-дова́ со ра́дыма Раскири-Дэвлэ́скири дэ́ла зор тумэ́нгэ.

Тэды Ниеми́я, ёв жэ Тиршафо, и лылвари́тко Е́здра, раша́й, и Леви́ты, савэ́ сыклякирдэ́ манушэ́н, пхэндлэ́ сарэ́ манушэ́нгэ: “Дывэ́с дава́ исын свэ́нто Ра́скэ-Дэвлэ́скэ, тумарэ́ Дэвлэ́скэ; на пиридживэн и на ровэ́н”; пал-дова́ со сарэ́ мануша́ рондлэ́, шуны Законо́скирэ лава́.

И Е́здра бахтякирдя́ Рас-Дэвлэ́с, Дэвлэ́с вучэ́с. И сарэ́ мануша́ отпхэндлэ́: “Ами́нь, ами́нь”, ґаздыи упрэ́ пэ́скирэ васта́, – мангнэпэ и дынэ́ паклоно анги́л Растэ-Дэвлэ́стэ мо́са кэ пхув.