1
Matiyo 16:24
FỊAFỊA BAỊBỤLỤ
KBTP
Anịtẹso Jizọsị nwẹnị ò ḍukamẹnjịapụ ma ḅẹẹ, “Gbọrụḅọ nwẹnị ị̀ na sọ tẹ mẹnjị ḅarị ḅẹḅẹ, mḅọ amịna ḅụụ kẹ ḅioḅọrọmaa, tẹ amịna ẹngbẹsẹ-sịn saakị dogi, tẹ ì ḍuka ḅoo.
2
Matiyo 16:18
Ọkọẹrẹsị à ḍuko Ị̀ pịrịarị, Pita; ịkụụ, tẹ mị ịkụ mẹ ọgọnọ mie arị ị̀ sọsị mẹ nama ḅarị ye, tẹ fị kụrọ sọ inetẹ anị nẹngịma ḅịa.
3
Matiyo 16:19
Tẹ à Tamụnọ Ama-da mẹ sọ-mu ḅẹ ḅọkọ asambị ma kẹ ị́ ḅara sụa ḅa; tomikiri ḅụ í kiki ḅọ kiki ḅọ, So-ḅio sọ ini mḅọ kiki ḅa; tẹ tomikiri ḅụ ị́ da-suu ḅọ da-suu ḅọ, So-ḅio sọ ini mḅọ da-suu ḅa.”
4
Matiyo 16:25
Kẹ gotẹ ọkọ ḅẹẹarị, ḅẹḅọ-ḅẹḅọ tẹ amịna ḍumo koko ḅụụ pịrị ḅẹ-ḅiiarị ḅọ, anị fama ḅa; kụma ḅẹḅọ-ḅẹḅọ tẹ ị̀ sịḅị ẹrẹsị amịna ḍumo famarị ḅọ anị ḍọkị-ẹrị ḅa.
5
Matiyo 16:26
Yee à paa ó gbela, tomḅọ bebe tomikiri mẹ nyana ọkị ḅẹ tẹ amịna ḍumo fama kụma ndẹẹ mḅọ nyana ḅarị sọye? Karakara-ḅara-ḅụ gbọrụ sọye sọ ofori! Ori inetẹ pịrị pakama tẹ kẹ ò ḍumo pakịrị ọkị ḅẹ gberie-sọ ofori.
6
Matiyo 16:15-16
Jizọsị nwẹnị in gbela, “Ọmịnị ḅọrọ tọ-ḅara? Ọmịnị mẹẹ yẹrị tụḅọ?” Sayịmọnị Pita nwẹnị pakịrị, “Ị́yẹrị anie Mẹsaya ḍumo wararị Tamụnọ ḅe Tụḅọ ḅee.”
7
Matiyo 16:17
Jizọsị nwẹnị pakịrị, “Sayịmọnị, Jona tụḅọ, tomḅọọ! Kẹ gotẹ ọkọ ḅẹẹarị, mị karakara mẹ gbọrụḅọ-sọ anị kẹ í toluma-a, kụma ị̀ Ḍa So-ḅio simearị ḅọ ḅe ḅara ḅụ mie anị da-da ḅo ị́ ḅara la ye.