Oblíbené biblické verše z Ụhịrẹyị 3

Sdílet

Sị avaba ayị awụ tụra Ẹnẹyịmavara, asị ụ sị eyi tụra ẹngụ awụ. Tamayị Ẹnẹyịmavara ịnị ịsa tụra ịsa ọnị waa mẹ̀, ọ vaa sị oze zụ wụ.

Asị u ro ka eyi awụ o hweyi, ama dọ ịrẹyị Ẹnẹyịmavara tụ ịzọọ, dị ụ waa nyị ịhyẹrẹ ebira odivi.

Sị ogu awụ ọnịrị avaba ịsa ịnị aarẹ ịpaapa awụ va sị ụbanyị yị Ẹnẹyịmavara. Wàa vavọọ a mẹ, ịsa ịnị aarẹ va mẹ ẹtẹẹtẹrẹ, dị ụhwọ awụ hi yị ịsa, dị ụ nyị eche gwẹẹtẹ ọnị we yi re aha va wa hi.

Saasa ịrẹyị ẹnẹẹ, dị ọza ọ̀ zụ sị ayị tụra wụ. Sị ụvọ za a anka ọmọ ọnị aa sị tụ ọrọkọ avọọ. Asị ụ hi ayị anị.

Ozi emi, asị ụ sị eyi wụ̀ ohuvọ ọnị Ẹnẹyịmavara ọọ tụ wụ, dị asị ọ tụ wụ. Aza ọnị Ẹnẹyịmavara sì ịrẹyị anị oō tụ ohuvọ anka ada ọza mẹẹ̄ tụ ozi anị ohuvọ avọọ.

Ozi emi, asị u hi ayị ịrẹyị ọnị mị kà yị wụ. Waa sị̀ ịrẹyị ẹnẹẹ vị ebira mẹ ụmẹ tụra ụmẹ. Ịrẹyị ẹnẹẹ vaa sị wụ ku orubo, dị ẹhẹ awụ zee yị wụ.

Aza ana nyị ịrẹyọyẹ, dị eyi ẹnịnị hweyi vaa daa jẹ. Ịrẹyọyẹ ọ nyị ụbanyị hụụnị ẹkẹhị nị. Ọọ̄ mẹ̀ ka a sị ụbanyị yị ọza hụụnị ọza ana nyị igooru. Ịrẹyọyẹ ọ nyị ụbanyị hụụnị ọmọ nị, ẹ yị nyị ịsa ọnị ọza nyẹngụ sị juwe anị.

Asị u yi ka wẹ yị mẹ ọgụvọ yị ọza ọnị ọ vọrọ tụra wàa nyị ụkata ọyị mẹ̀ ẹ yọ.

Ẹnẹyịmavara vị ana sị ịrẹyọyẹ anị mẹ̀ ẹtẹ; Avọọ ọ mẹẹ sị ịrẹyọyẹ sị ẹbẹẹba tụ aha anị nị.