Ezikẹẹrị ka, ọnị mẹ kụ̀rà eyi tụ ẹba, dị ọnị re ka opomi ộ tụ́ hụrị eyi ẹbẹẹba aa vẹ nị. Ọnị ô re re ka eguhi ộ da dụmẹ, dị ịnyaanya aa rị ịnị anị nị. Dị ẹbẹẹba aa zẹtẹ kara eguhi ọnọọ nị. Oni ô re ịsị ẹ sị mẹẹ anka enyusẹ ọkatarihi anaa za nyoonyo avọọ ịnị akakana ịra anaa rị aanị. Ọ kà ọnị ô re ịsa ẹẹna ana aa tụ́ ụhwẹ, ịnị akakana opomi ọnọọ; vị ẹ sị mẹẹ anka ọza avọọ nị. Ama, ikonyi ikonya ẹnịnị vị ana nyị eyirẹsụ ẹẹna ọnịrị avaka ẹẹna. Ahụ ẹnịnị ệ vọrọ, dị ẹ́ nyị ẹtụpa anka ẹtụpa ozi imaaru avọọ nị. Ẹnịnị ệ zẹtẹ anka enyusẹ ọkatarihi ene è yị ku ụrẹ avọọ. Ẹnịnị mẹ nyị eyirẹsụ ọnịrị avaka ẹnẹẹna, dị ẹ rẹ nyị ụvọ ọza ikonyi ikonya tụ iruvo avaka ọnyọọnya nị. Ịsa ana a tụ́ ụhwẹ aanị vị ana gana avaka ẹnịnị dị ẹ sị kanyị avaka ẹngụ akaha-akaha. Eyi ẹnị ẹẹ ka ẹnị aa nọ kẹnẹ, dị ẹẹ vavọọ aa na, ẹ́ yị nyị ka ẹnịnị ẹ̀ vara eyi.
