Oblíbené biblické verše z Ịrẹyị Ọzwọzịsa 5

Sdílet

Sị ụvọ za irenu awụ, dị asị ụ hụra ka ịrẹyị ọvịdị Ohomorihi; Ohomorihi vị ana ya ẹbẹẹba dị ẹwụ ya ẹhẹ ọnọnị nị; agụvị avọọ asị ụ na kụ ịrẹka gigirigi ọvịdị anị.

Ọza ọnị Ohomorihi ọọ sị ẹkẹhị ọnịrị ogu mẹ ẹyịza dị o si oze yọ ka ọ sịị mẹ ayohine nị ọọ jẹ. Ọ̀ sịị mẹ ayohine ka ọgụ ụkọrọ anị ọ vị ọnọọ nị. Ohomorihi ọ sị mẹ̀ ẹ ẹyịza nị.

Aza ene sì ịrẹyị ẹkẹhị ọnịrị ogu baaba ẹ maa nyị ana hụ wa. Osusu kẹnẹ ọsọnị vị nị.

Ọza aa nọ ịnị irehi Ohomorihi o sị eyi pe ẹngụ anị, ọ́ọ vana dahi ka ọza ọ ka gụrị Ohomorihi na kọsẹ huni ka ọ̀ naa mẹ̀ ịsọvọ anka onututu nịnị avọọ ọvịdị anị. Onututu ẹ yị yẹ ka ịsị odivi ẹnị aa mẹ nị.

Waa ka a ka aa nyị ịsị ụ vaa mẹ yị Ohomorihi ụ hụra mẹ̀ ẹ; agụvị ka ayị Ohomorihi e me hine tu ọnụra nịnị. Mẹ ịsị waa ka a ka ụ vaa mẹ.

Ọọ vana dahi ka asị ọza kà a ka aa nyị ịsị ọnị vaa mẹ huni ka ọ̀ kà a dị asị ọ mẹ̀ ẹ.

Aza anaa sị ẹhị ẹngụ ẹnịnị mẹ̀ ụkọrọ vị anaa sụ ara ohine ẹẹ rị ịsa baaba ẹẹ daka rị chee ama ogu ọza ọbanyị vị anaa jị ọ areyi dị ẹ yị zụ sụ ara.

Ahwaahụ ọnị ọza zị va ngụ ẹhẹ ọ rẹ vaa zị hụụnị anị nị. Ẹ yị nyị ịsị ọ vaa sị hụụnị avaba ịsị ọ sị ẹhị ẹngụ anị mẹ.