Oblíbené biblické verše z ဖံလံးပံၤ 2

သုသုတမၤတၢ်နီတမံၤလၢသုသးဆူၣ်မၤန့ၢ်တၢ်လၢသုဘျုး အဂီၢ်ဒၣ်ဝဲမ့ၢ်ဂ့ၤ, သုကပာ်ကဖၢလၢသုသးအဂီၢ်မ့ၢ်ဂ့ၤန့ၣ်တဂ့ၤ. မ့မ့ၢ်ဆီၣ်လီၤသုသးလၢတဂၤဒီးတဂၤအဖီလာ်, ဒီးထီဘိန့ၣ်အိၣ်ဒီးတၢ်ဆိကမိၣ်လၢပှၤဂၤတဖၣ်ဂ့ၤန့ၢ်သု န့ၣ်တက့ၢ်. မ်သုဝဲတဂၤဒီးတဂၤကွၢ်တၢ်လၢပှၤဂၤအဂီၢ်တက့ၢ်. သုသုတကွၢ်တၢ်ထဲသုဂီၢ်ဒၣ်သုဝဲတဂ့ၤ.

တၢ်ပာ်သူၣ်ပာ်သးလၢအကြၢးအိၣ်ဒီးသုန့ၣ်, မ့ၢ်ဝဲတၢ်တမံၤဃီလၢအအိၣ်တ့ၢ်ဒီးယ့ၣ်ၡူးခရံာ်န့ၣ်လီၤ.

အဝဲဒၣ်အိၣ်ဒီးကစၢ်ယွၤအက့ၢ်အဂီၤထီဘိ, ဘၣ်ဆၣ်ဒီးတဆိကမိၣ်ဝဲလၢအကြၢးဂုာ်ကျဲးစၢး ဟံးဃာ်တၢ်မ့ၢ်တၢ်ထဲသိးဒီးကစၢ်ယွၤန့ၣ်ဘၣ်. မ့မ့ၢ်, လၢအဝဲအတၢ်သးဆူၣ်ဒၣ်ဝဲအပူၤ, ညိကွံာ်တၢ်လၢအအိၣ်ဒီးအီၤခဲလၢာ် ဒီးဟံးထီၣ်ကုၢ်တဂၤအက့ၢ်အဂီၤလီၤ. အဝဲဒၣ်ကဲထီၣ်ပှၤကညီတဂၤ ဒီးလီၣ်ဖျါထီၣ်အသးဒ်ပှၤကညီတဂၤအသိးလီၤ. အဝဲဒၣ်ဆီၣ်လီၤအသး, ဒီးပိာ်ထွဲတၢ်ဒိကနၣ် ယွၤအကျဲတုၤတၢ်သံ, အတၢ်သံလၢထူၣ်စုညါအလိၤတစုန့ၣ်လီၤ.

အဂ့ၢ်ဒ်အံၤ, ကစၢ်ယွၤမၤတၢ်လၢသုပူၤထီဘိဒ်သိးသုကသးအိၣ် ဒီးဒိကနၣ်မၤထွဲအတၢ်တိာ်ပာ်ကသ့အဂီၢ်န့ၣ်လီၤ.

လၢတၢ်န့ၣ်အဃိ, ကစၢ်ယွၤပာ်ထီၣ်ထီအီၤဆူ တၢ်လီၢ်အထီကတၢၢ်လၢထး, ဒီးဟ့ၣ်အီၤမံၤတဖျၢၣ်လၢအဒိၣ်န့ၢ် ကယဲၢ်တၢ်အမံၤအဂၤခဲလၢာ်, ဒ်သိး လၢတၢ်မၤလၤကပီၤယ့ၣ်ၡူးအမံၤအပူၤ, ကယဲၢ်တၢ်အိၣ်လၢမူခိၣ်, လၢဟီၣ်ခိၣ်ဒီး လၢဟီၣ်ခိၣ်လာ်တဖၣ်ကချံးလီၤအခီၣ်, ဒီးပှၤခဲလၢာ်ကစံးဘၣ်တဲဘၣ်ပှၤကိးဂၤလၢ ယ့ၣ်ၡူးခရံာ်မ့ၢ်ကစၢ်, လၢပၢ်ကစၢ်ယွၤအလၤကပီၤအဂီၢ်လီၤ.

ဖဲသုဖံးတၢ်မၤတၢ်တမံၤလၢ်လၢ်န့ၣ်တဘၣ်အိၣ်ဒီးတၢ်ကဒူး ကဒ့ၣ်ဒီးတၢ်ဂ့ၢ်လိာ်ဘှီလိာ်တဂ့ၤ. တုၤနုၤတစု, သုကကဲထီၣ်ပှၤလၢအတၢ်ကမၣ်တအိၣ်ဒီး စီဆှံဝဲဒ်ကစၢ်ယွၤအဖိလၢအလၢပှဲၤတဖၣ်, လၢအအိၣ်မူလၢပှၤတတီတလိၤဒီးပှၤလၢအပှဲၤဒီးတၢ်ဒဲးဘး တဖၣ်အဟီၣ်ခိၣ်ပူၤန့ၣ်လီၤ. သုကဘၣ်ကပီၤထီၣ်လၢအဝဲသ့ၣ်အကျါဒ်ဆၣ်တဖၣ်ဒုးကပီၤထီၣ်မူခိၣ် အသိး

လၢတၢ်န့ၣ်အဃိ, တံၤသကိးသးဘိသ့ၣ်ဧၢ, ဖဲယအိၣ်ဒီးသုအဆၢကတီၢ်သုဒိကနၣ်ယၤထီဘိအသိးန့ၣ်, ခဲကနံၣ်အံၤဖဲယအိၣ်ယံၤဒီးသုအဆၢကတီၢ်န့ၣ်, အကါဒိၣ်တက့ၢ်လၢသုဒိကနၣ်ယၤန့ၣ်လီၤ. ဂုာ်ကျဲးစၢးမၤတၢ်လၢတၢ်ပျံၤတၢ်ဖုးဒီးတၢ်ကနိးကစုာ်အပူၤ လၢတၢ်မၤလၢထီၣ်ပှဲၤထီၣ်သုတၢ်အုၣ်က့ၤခီၣ်က့ၤအဂီၢ်န့ၣ်တက့ၢ်.