Oblíbené biblické verše z Panagna'an 27

Sdílet

Bang pa'in binusugan tana'nu e' Tuhan maka alu' min diyata' langit. Bang pa'in isab pinajatu e'na tanomannu, supaya aheka buwa'na pagkakannu maka paginumnu! Bang pa'in kapagbaya'annu saga kabangsa-bangsahan, bang pa'in sigām pasujud ma ka'a. Bang pa'in ka magnakura' ma kakampungannu kamemon, bang pa'in isab pasujud ma ka'a kapanubu'an ina'nu. Bang pa'in kataluwa'an mulka' sasuku anabbut ōnnu ni kala'atan. Bang pa'in binuwanan kahāpan sasuku anabbut ōnnu ni kahāpan.”

“Ā,” yuk si Esaw, “tinōp iya niōnan Yakub, sabab min duwa na aku ka'akkalan e'na. Ta'agaw e'na pusaka' ya kapatutanku pagka aku anak siyaka. Maka ma buwattina'an isab, ta'ā'na kahāpan min Tuhan ya subay pamasuku' aku. Mma', halam bahā' aniya' lidjiki' bay kapinannu aku?”

Manjari magkallam si Isa'ak ma si Esaw, yukna, “Paglahatannu alawak du min huma ya taptap pinajatu e' Tuhan. Mbal ka pinasuku'an tana' ya binusugan maka alu' min diyata' langit, tana' akansang buwa'na. Magbono' du ka bo' aniya' tatabannu pagkallumannu, sagō' siyalinu ya pagnakura'annu na pa'in. Malaingkan bang ka mbal makasandal pinagbaya'an e'na, angatu du ka ati makal'ppa min komkomanna.”

Sakali angamu' na pa'in si Esaw, yukna, “Mma', min t'dda sadja ka bahā' angamu'-ngamu' kahāpan ni Tuhan? Mbal bahā' kaisaban? Ndū' Mma', amu'-amu'in aku kahāpan isab.” Jari aheya tangisna.