Oblíbené biblické verše z A̱ga̱la̱tiyawa 3

A̱wot Kristi wa tyia̱ zi̱ si̱ shot shyishyi a̱khwu nang doka ji shei a̱ni. Di̱n jen nang á̱ ku kpang Yesu á̱ si̱ lya̱u nggu da̱ a̱team a̱khwu wu a̱ni; a̱ si̱ kyiak shyishyi a̱khwu a̱ka̱tuk nyia̱ nzi̱t wu a̱ sak a̱pyia̱ nggu. Ma̱nang á̱ ndyuut ma̱ A̱lyiat A̱gwaza na a̱ni, nyia̱, “Konyan wa nang á̱ lya̱u ka̱tsak da̱ a̱kwon, ku tak nang shyishyi a̱khwu A̱gwaza ja ya nggu a̱ni.”

Mat a̱nia, á̱ bu nkhap a̱tyu A̱yahudawa ma̱ng a̱tyu Nnwap a̱ nwai yet A̱yahudawa a̱ni zan bah. Da̱ mba, á̱ nkhap a̱khwo ma̱ng nggwon a̱li zan bah. Da̱ mba, á̱ nkhap a̱tyok ma̱ng a̱byii̱k zan bah. A̱mgba̱m nyin, nyi yet kyang nyiung hwa, mat mun á̱pyia̱ nyin hu ma̱ng Yesu Kristi.

Ka̱nang nyi yet á̱niet khwi Kristi bya, nyi yet a̱tsak kwai Ibrahim wa. A̱wot nyi na yet á̱niet ya gado nang A̱gwaza nyia̱ a̱li̱ka̱uli a̱ na nwuak nyin a̱ni.

A̱gwaza ku nwuak Nnwap na̱ nwai yet A̱yahudawa a̱ni a̱li̱ba̱rka nang gu ku nyia̱ a̱li̱ka̱uli a̱ na nang Ibrahim a̱ni, mat a̱khwu Kristi Yesu ka. A̱ nyia̱ a̱nia wa, da̱nian nzi̱t zi̱ nwuak fwuo di̱ Kristi a̱ni, zi̱ ka san A̱za̱za̱rak Ntswa nang á̱ nyia̱ a̱li̱ka̱uli á̱ na nang zi̱t a̱ni.

Mat a̱nia, ku tak kpa̱sai nang á̱ mbyia̱ a̱tyubishyi nang A̱gwaza na kyiak a̱ yet a̱tsotswat a̱ sang a̱bun a̱zaghyi nggu, mat khwi doka hu a̱ni bah. Ma̱nang á̱ ndyuut ma̱ A̱lyiat A̱gwaza na a̱ni, nyia̱, “Mat nwuak fwuo hwa nang A̱gwaza na nkyiak a̱yin a̱tsotswat ma̱ng sang a̱bun a̱zaghyi nggu a̱ni.”