Oblíbené biblické verše z Colosenses 1

Díos mé kuakitsjekjanxíni ti sítie la kjuajon chꞌan kjuachaxin tsꞌejóni ti tꞌe̱to̱an ti Xje̱en chꞌan, imá tjue̱he chꞌan.

Kjuachaxíen Díos la kjuíchꞌénaxín chꞌan kaín ti nkehe siín nka̱jní la ko chjasintajni, la ko kaín ti nkehe na̱xa̱ tꞌikonhñani la ko ti nkehe ó tꞌikoni. Kja̱xin kaín ti nkexro tꞌe̱to̱an la kaín nkehe chónta kjuachaxin la ko kaín kjuachaxin siín nkaya nka̱jní mé kaín tíha kjuíchꞌéna Cristo la kaín tíha kuènté chꞌan.

Cristo la ó xráxín itjen, kjónté na̱xa̱ kohya ninkehó, la jehe chꞌan tꞌayakohen chꞌan kaín ti nkehe siín kixin chónta chꞌan kaín kjuachaxin.

Cristo, ti Xje̱en Díos mé kjua̱ko̱xi̱n nkexrín itjen ti Itꞌé chꞌan, ti nkexro xitjahya tꞌikoni, la ko Cristo mé ó xráxín itjen chꞌan ti na̱xa̱ kꞌónahña chjasintajni.

Méxra̱ ndesi ti ña̱o kuíhini nkexrín tjejora, la títo̱ehyani tjancheheni Díos kixin tsjinki̱tsa ti jahara kixin tso̱nohara jína nkexrín tóxríhi̱n chꞌan la ko tsiénxinra kaín kjuaxrexinkaon jína kuènté Ncha̱kuén Díos. Ndá xi̱kaha jína chrókjuáko̱xinra la chrókꞌuejora éxi tóxríhi̱n Ìnchéni la chrókjui̱chꞌera ixra̱ jína kuènté chꞌan la ko a̱ntsí chrókónohara nkexrín itjen Díos.