Oblíbené biblické verše z 2 Pedro 2

Méxra̱ Ìnchéni la nohe nchekaá ti sin kaín a̱sén titekaon ti jehe chꞌan, kjónté nchónhña nkehe náxrjónhña tsꞌatsínka sin. A̱ndá ti sin jínahña la sinchekjasóte chꞌan ti ña̱o tsito̱exín iji̱é kaín chojni.

Ícha jína chróchóxinhña sin ti nti̱a jína, ke ti ó nohe sin ndá tsíto̱he sin ti nkehe kꞌue̱to̱an Díos. *Ti xi̱kaha la jehe sin ichꞌe sin éxi ti nkehe ndáchro chojni: “Ti koni̱a̱ tꞌókjan la xíkjan inie ti nkehe tꞌókjan, la ko ti kochíno na̱ntá tsíkꞌónti, ikjan tikíankí nche̱tꞌo̱.”

Chrónka sin kixin chónta chojni kjuachaxin sichꞌe kaín nkehe, kjánchó jehe sin jehó nchexiteyéhe sin ti nkehe jínahña; méxra̱ ti nkexro xitjahya tsíto̱he ti ijie̱ la ti ijie̱ mé tꞌe̱tue̱hen ti jehe sin.

Ti nkexro ó chóxin Ìnchéni Jesucristo ndá kuíto̱he sin ti nkehe chrókꞌuitjáñaxín sin chroxi chjasintajni, a̱ndá chrꞌéxi̱n chrókuákja sin ti nti̱a jínahña ínaá, la chrókjuacha ti jínahña chrókjuachròe ti jehe sin, ndá a̱ntsí náxrjónhña chrókóhen sin ke ti senó.

Kja̱xin ósé kuékꞌíxin chojni nduáhya kꞌuéchronka itén Díos ti chjasin Israel, éxi ijie tsꞌixin maestro sitꞌayahara. Jehe sin tsochrꞌákjehe̱n sin nkehe nduáhya tsꞌitjáñaxín ti nkehe chaxín nohara, la xi̱kaha tsitekákonhñara Ìnchéni ti nkexro tsaáxinra. Tíha mé tsjixin ti tsꞌitjáñaxín sin.