Bat bou blo em i bin mata stap stret, i no seik,
ane tu an blo em, i bin kam strong
prom da paua blo da prapa Strong AntapGod blo Zekop,
wea ol kolem Bosman uda lugaut sip,
da Ston blo Izrael.
Lete da God blo ol ate blo mi elpe yu.
Lete da Strong AntapGod blese yu
wea ol rein po wete dem gadan kaikai blo yu,
ane wea dem spring wata
wea i go kamaut andanit prom graun.
Ane wea yu go gad plenti pikinini ane ol plenti animal.
