Oblíbené biblické verše z ÉH POLÉNG 2

Sdílet

Bang inah éh pengekurang ko', uban bé' ke' murung Akeu' barei' hun bu'un bu'un ko' ngelan tong Akeu' rai.

Jian ke' nesen ka'au' lepah pelohoo' dilem mu'un lem penyala'. Jian keh pekoléé' kenin jin penyala' ko' ngan maneu' ineu' éh naneu' ko' bu'un-bu'un ko' ngelan tong ku' rai. Hun ko' bé' adang akeu' tuai tavin ke' ngan pepiso pelita ko' inah jin retek néh.

Mai ke' medai tong pengeketa éh bé' lebéé' la'ah juk teneng tong ke'. Nesen ke'! Adang Sitan juk tupat ke'. Adang iah ngamit ngan masek kuraa'-kuraa' usah jin belah keh lem lamin tutup. Adang keh teneng pengeketa kelebbéé' jah poloo' dau. Jian keh tigéh tong Akeu' pah avéé' matai, ngan adang akeu' mena' urip pelinguh ngan keh uban keh lepah menang.

Hun ko' pu'un kelingen omok menéng, jian ke' menéng kekat ha' éh benara' Sahéé' Ni'ai ngan kekat sidang. Kekat irah éh nyopéé' kekat arong kesa'at, Akeu' kejeraa' réh kuman buaa' éh purip kelunan éh pu'un tong pulah Allah.

Akeu' jam tong kekat penganeu' ko', ngan Akeu' jam tong jalan ko' kereja' muruh mu'un, ngan Akeu' jam ke' pu'un kebit kenin. Ngan Akeu' jam ke' leko mu'un tong kelunan éh maneu' sa'at, ngan pu'un ke' petuneng irah éh ngelayoo' awah lawah Tuhan, bang bé' réh lawah Néh mu'un, ngan kejam ko' irah pané kenyo awah.

Pu'un ke' kebit kenin, ngan pinaa' arong penusah ko' uban ko' ngelan tong Akeu', bang bé' ke' putui pengelan.

Hun ko' pu'un kelingen omok menéng, jian ke' menéng kekat ha' éh benara' Sahéé' Ni'ai ngan sidang. La'ah ngan irah éh menang, Akeu' juk mena' mana éh nodoo' Ké' pelim. Kenat kepéh Akeu' juk mena' ngan siget usah réh jah bateu' éh mebéng tong bateu' inah senurat ngaran maréng, éh bé' omok kenejam séé-séé' péh, bang irah éh alaa' éh awah éh jam éh.