Oblíbené biblické verše z IBRANI 13

Sdílet

Adang Tuhan ngukum irah éh sa'at barék ngan petuyang. Dalem kekat urip keh, mai keh kelih juk kaya', bang jian keh sukup kenin tong éh pu'un ngan keh. Uban ka' ha' Tuhan, Bé' Akeu' kejeraa' ka'au' tengéé', bé' Akeu' bet ke', ha' Néh.

Yésus Kristus pu'un pekua' hun sahau, hun iteu' ngan avéé' kelebéé'-lebéé' néh.

Uban néh kenat jian uleu' makang kenin bara' pekua' ha' jin dalem surat Allah, ka' éh, Tuhan éh nolong ku', akeu' bé' medai. Ineu' éh omok neu' kelunan tong akeu' ha' Néh.

Mai ngelepan maneu' jian ngan nolong-petolong, uban Penganeu' inah seleket pengena' éh pesenang kenin Allah.

Uban néh kenat, jian uleu' ngelayau musit ha' mejing Tuhan, inah seleket pengena' lu' ngan Allah lem Yésus. Kekat ha' inah éh pengena' lu' hun lu' ngakun Iah éh Tuhan lu'.

Kelunan éh kawin jian éh mokoo' petem ngan redo néh kenat péh lakei' néh, jian éh mihau éh mu'un pekua' lu' mihau livah éh ma'an belih, jian lakei' inah ngan redo inah pu'un barék éh teneng belah rawah ke', mai roh magat irah éh jah ngan petuyang. Adang Tuhan, petuneng irah éh sa'at barék ngan petuyang.

Jian keh alaa' kelunan éh nyakai tong lamin keh ngan jian kenin. Pu'un kelunan éh alaa' réh kenat inah réh alaa' meliket, bang bé' réh jam éh meliket.

Allah lepah Pebetéé' Tuhan lu' Yésus jin pematai Néh. Uban neu' pematai Néh inah, Iah hun iteu' omok Gembala éh pengeja'au kekat Gembala uleu; domba-domba Néh. Pematai Néh péh netap jajii' éh pelinguh éh naneu' Allah ngan uleu'. Jian Allah inan pengepawah inah pesukup kekat pengejian Néh ngan keh dokoo' keh omok maneu' pengeloo' Néh. Dokoo' jin Yésus Kristus Allah maneu' kekat ineu' éh keneloo' Néh dalem urip lu'. Jian Kristus pu'un peparen avéé' kelebéé' lebéé' néh! Amin.