Oblíbené biblické verše z ÉPESUS 2

Sdílet

Uban uleu' éh senuai Allah, ngan murip petem lem Kristus Yésus, Iah suai lu' kelu' omok murip ngan maneu' kuraa'-kuraa' kereja' éh jian, éh lepah petenup Néh ngan lu'.

Uban naneu' penika Allah awah ka'ah pu'un pelepu jin ukum penyala', neu' pengelan keh tong Iah. Bé' éh neu' ineu'-ineu' penganeu' keh, bang neu' pengena' Allah ngan keh awah. Bé' keh omok ngajung usah keh, uban bé' keh pu'un pelepu jin ukum penyala' neu' ineu'-ineu' éh penganeu' keh.

Bang pu'un Allah pika lu' mu'un, ja'au mu'un penika Néh, bé' éh omok benara' lu', uban tovoo' uleu' matai neu' kesa'at lu', Iah pepurip lu' pemung ngan Kristus, uban neu' penika Néh awah ka'ah pu'un piso jin ukum penyala'.

Neu' pengelan lu' tong Kristus Yésus, Iah lepah pebetéé' uleu' pemung ngan Néh dokoo' lu' omok pengeja'au pemung ngan Néh tong seruga.

Ka'ah éh tengéé' pohoo' jin améé' bé' keh barei' kelunan éh tejeu' éh bé' jam Allah, bang ka'ah péh paléu pekua' pohoo' kelunan éh pu'un lem nihau Néh, pu'un keh pepadéé' ngan Allah éh Tamen lu' béé. Ka'ah péh petok réh bau balun éh neu' irah lawah ngan neu' irah nabi, la'ah bateu' éh lihei' néh, inah éh Kristus Yésus mu'un.