Oblíbené biblické verše z Korasia 2

Sdílet

'Enakaivo ja Jesu Keriso ka'ene Natohwiji apejarakúne Huni vaji 'uraho'avara. 'Enakúne Huni vaji chinuma same emarena aji'avara. 'Ene ja najahe 'waravume hejaja'ina'e joni nimaa roijaho veje kisina'e rena para'avara. 'Ene temari itu'ona parani'eje o'avara.

'Ene paveje emaapuni vwiha 'ee vu'a maa pa'ajipo pisimie 'ee emaapuni tamana 'ee mwe'a kehuni 'unama ani ani'ina najahe 'waravujipo pisimie ani ruva'ava. Ijihuni maijaho ijí 'unama kajija Keriso oni 'unama pana.

Vea ka'ene ja joni sisea vajijino kwamasahe 'ee sisa pa'uhuari vajijaho Hura núni sisea maho'o vwihanúe arevume paranana. 'E'ikaivo venume 'urine pu pu'úmo mai'o hiju. 'Ene núni chimua 'ee varapijara núa'e ninamu'e ruruhajaho Hura 'eka ruva'e korosi 'ahi 'aniume parajara.

Hura haha ka'ene apenana vajijino Godoni kara icha'inijaho maho'o Huni vaji navu. 'Ene Huni vaji ja maho'o ni areri renaana. 'Ene Hu ea maho'o 'ajohai'ine 'ee harura mapokijihi puni húmata.

Ijihuni hahi paveje ea pina joni 'irumijihuna 'ee toijihuna 'ee sora ijuri vea 'ee masapa maiu'ina huna 'ee Sapatia huni vea panamahi'ina'e re'amana. Ikija raka ka'ene mai'o rohuni jihuni 'avena kaivo nimaijaho Keriso ona.