Génesis 6
6
Runakunaqpa nishu huchakuna ruwasqankunamanta
1Kay hallp'a pachapi runakuna mirayta qallariqtinkun, paykunapaqqa warmi wawankuna nacepurqa. 2Hinaqtinmi Diospa ruwasqan angelkunaqa rikurqaku runakunaqpa warmi wawankunaqa sumaq munay sipaskuna kasqanta. Hinaspan Diospa wawankunaqa#6.2 wawankunaqa Kay versiculopiqa Diospa wawankuna nispaqa khayna ninantan ninman, hanaq pachamanta Diospa ruwasqan angelkunan kankuman karqa. Paykunaqa runa hina cuerpoyoqmi kankuman karqa. chay sumaq sipaskunata akllarikuspanku, mayqen munasqaku sipaskunawan tiyarqaku. 3Hinaqtinmi Señor Diosqa khaynata nirqa:
—Noqaqpa espirituyqa manan wiñaypaqchu runakunapiqa kanqa. Chaymi runakunaqa mana wiñaypaqchu kawsanqaku. Aswanmi runakunaqa aychalla kasqankurayku, wañuqlla kanqaku. Chayraykun runakunaqa pachak iskay chunka (120) watallaña kawsanqaku, nispa.
4Chay tiempopiqa Diospa ruwasqan angelkunaqa runakunaqpa wawankunawanmi puñurqaku. Chaymi chay sipaskunaqa hatunkaray qari wawayoqkuna karqaku. Chayraykun paykunaqa ñawpaqmantapacha kallpasapa runakuna hinallataq reqsisqa karqaku.
5Ichaqa Señor Diosmi rikurqa kay pachapi runakunaqa nishu millay huchasapa kasqankuta hinallataq tukuy ima tanteayninkupas millay mana allinkunalla kasqanta. 6Chayta rikuspanmi Señor Diosqa nishuta llakikurqa kay pachapi runata ruwasqanmanta. Hinaspan sonqonta nanachikurqa. 7Chaymi Señor Diosqa nirqa:
—Noqaqa kay pachapi ruwasqay runakunatan mana imaman wakichisaq. Noqaqa chinkachisaqmi runakunata, animalkunata, pampallanta suchuspa puriq animalkunata hinallataq alton phawaq animalkunatapas. Noqaqa nishutan sonqoypi nanachikuni tukuy chaykuna ruwasqaymanta, nispa.
8Ichaqa Noeytaqmi Señor Diospa khuyapayasqan karqa.
Noeypa hatun barco ruwasqanmanta
9Kaymi Noeymanta willakuykuna: Noeyqa Diospa ñawpaqninpi allin ruwaq runan karqa. Chayraykun paypa vidanqa Diospa munasqanman hina karqa, llaqtamasin runakunaqpa ñawpaqninpipas.
10Noeypaqa kimsan qari wawankuna karqa: Sem, Cam hinallataq Jafet ima.
11Ichaqa Diosmi qawarirqa kay hallp'a pachata. Hinaspan rikurqa chay runakunaqa tukuy millay huchallapi hinallataq maqanakuyllapi kawsasqankuta. 12Diosqa llapallan runakuna shayna millay huchallapi hinallataq maqanakuyllapi kawsasqankuta qawarispanmi, 13Noeyta khaynata nirqa:
—Kay pachapi llapallan runakunatan chinkachisaq hinallataq llapallan kawsaq animalkunatapas. Runakuna huchallapi hinallataq maqanakuyllapi kawsasqankurayku, kay hallp'a pachaqa nishuta ñak'arishan. Chayraykun huchallapi kawsaq runakunataqa castigaspay chinkachisaq, kay hallp'a pachantinta. 14Chayraykuyá qanqa kunan huk hatun barcota ruway ciprés nisqa k'aspimanta. Hinaspa chay barco ukupi ashkha cuartokunata ruway. Chaymantataq patanta ukunta breawan llusiy. 15Chay barcotaqa khaynatan ruwanki: Largonmi kanqa pachak kimsa chunka pishqayoq (135) metros. Anchontaq kanqa iskay chunka iskayniyoq (22) metros y medio. Alturantaq kanqa chunka kimsayoq (13) metros y medio. 16Hinaspapas chay hatun barcotaqa ruwanki kimsa pisoyoqtan. Ruwallankitaqmi huk ventanatapas. Chay ventanataqa ruwanki techomanta medio metros urayninpin. Shaynallataqmi punkuntapas ruwanki barcoqpa huknin kaq ladonpi. 17Noqaqa kay hallp'a pachamanmi nishu parata parachimusaq. Hinaqtinmi yaku kay pachaman hunt'aqtin, llapallan runakuna hinallataq llapallan animalkunapas wañunqaku. Shaynapin kay pachapi chay llapallan kawsaqkunaqa chinkachisqa kanqa. 18Noqan ichaqa qanwan ruwasaq huk compromisota. Qanmi chay barco ruwasqaykiman yaykunki, warmiykiwan, qari wawaykikunawan hinallataq paykunaqpa warminkunawanpas. 19Chay hatun barcomanqa yaykuchillankitaqmi llapallan kawsaq animalkunamanta orqo chinantinta, shaynapi chay animalkunapas mana chinkananpaq. 20Animalkunataqa layanman hinan orqo chinantinta hatun barcoman yaykuchinki, phawaq animalkunamanta layanman hina, pampapi puriq animalkunamanta layanman hina hinallataq pampallanta suchuspa puriq animalkunamantapas layanman hina, shaynapi ama chinkananpaq. 21Shaynallataqyá ashkha laya mikunakunata huñuspayki, barco ukuman churanki, shaynapi qanpas hinallataq llapan animalkunapas chayta mikuspa kawsanaykichispaq, nispa.
22Noeyqa Diosta kasukuspan chay kamachisqanman hina lliwta ruwarqa.
دیاریکراوەکانی ئێستا:
Génesis 6: QXU
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© 2025 AIDIA
© 2025 Seed Company