गलाति 1
1
1का पावल छाल्न्हाका चात्या या पात्तारा नेलाइहेङ लेखेदोङखा, का हिदोइ बुङ द्याङगेलाइको समुह माकुनु द्याङगेलाइसो छाल्न्हाका चात्या जेङलि चुनिका माको, भरु येसु ख्रिस्ट कालाउ आबा परमेस्वर जाइ दोङ येसुहेङ सिकासो सिन्हु पाहि। 2का या पात्तारा का दोफा हिका झाराङ खान्धुराइ ओनेगेलाइसो गलातिया इलाकाता हिका खान्धुराइगेलाइको समुहहेङ लेखेदोङखा।
3का प्रार्थाना पाखा, कि केलाइको आबा परमेस्वर कालाउ प्रभु येसु ख्रिस्ट नेलाइहेङ आनुग्रह कालाउ सान्ति प्याको। 4केलाइको परमेस्वर कालाउ आबाको इच्छा आन्सार येसु ख्रिस्ट केलाइको पापको भाअ्सिङ ताइमिहेङ बलि पिहि, कालाउकि केलाइहेङ इदोइ सुमिङको मारेम्का कामगेलाइसो लाअ्पाको। 5का प्रार्थाना पाखा, कि द्याङगेलाइ जेलाउलाउ बुङ परमेस्वरको महिमा पाको। आमेन।
भेनेङ हिदोइ बुङ सुसमाचार मान्थु
6का निरास हिघा, कि इदोइ झोको धेमाङ नेलाइ परमेस्वरहेङ लाअ्सुन्हा, जाइ नेलाइहेङ ख्रिस्ट पाहासो आनुग्रहता काइहि कालाउ भेनेङ दोङ सिक्स्याहेङ पिताइसुखेना। जेदोङ चाहि आधिमि द्याङगेलाइ सुसमाचार दोङ हि दोअ्तेङ दोअ्खे। 7कालाउ बास्ताबता एनोङ खिनिङ सत्ये सुसमाचार हि, कालाउ हेथे द्याङगेलाइ नेलाइहेङ आवाइ तुपातेङ ख्रिस्टको सुसमाचारहेङ परिबतन पालि भोदोङखे। 8कालाउ जेसापा केलाइ सुसमाचार प्राचार पाका बाहेक केलाइ मध्ये माकुनु स्वर्गसो लोका स्वर्गदुत दोङ भेनेङ सुसमाचार प्राचार पाहे पानु परमेस्वर दोङ वासेहेङ जेलाउलाउ बुङ स्राप प्याको। 9केलाइ लाम्फा दोङ दोअ्का भाइपा एला बुङ दोअ्खा, नेलाइ जेदोङ सुसमाचार ग्रहन पाका हिसुन्हा, इङको बाहेक आरु हासु बुङ नेलाइहेङ भेनेङ सुसमाचार प्राचार पाखे पानु, वासेहेङ परमेस्वर दोङ जेलाउलाउ बुङ स्राप प्याको।
10आबस्य बुङ का द्याङगेलाइहेङ खुसि पालि माभोखा, भरु का परमेस्वरहेङ खिनिङ खुसि पालि भोखा। जेसापा आझाइ बुङ द्याङगेलाइहेङ खुसि पालि कोसिस पाकानु का येसु ख्रिस्टको सेवक माजेङधाङघा।
पावलहेङ काइका
11खान्धुराइ ओनेगेलाइ, का भोखा, कि नेलाइ गिसु, कि का दोङ प्राचार पाका सुसमाचार द्याङगेलाइ बानाइका माको। 12हाइपालिपानु का इदोइ सुसमाचार ताइको पुर्खागेलाइसो धिरका माको ना ते हिदोइ बुङ व्यवस्था धिरपाका द्याङगेलाइसो, भरु येसु ख्रिस्ट दोङ कासेहेङ या देखाल पापिहि। 13का हेसा लाम्फा यहुदि धर्म केम्घाखा नेलाइहेङ थाहा दोङ हि, एन्सालाउ का परमेस्वरता खान्धुराइगेलाइहेङ साताइघाखा कालाउ इम्बालाइहेङ नासा पालि भोघाखा। 14का यहुदि धर्मता खाङधुरि पाका काङको उमेरको हेन्जा यहुदिगेलाइ मध्येसो हेन्जा काम पाका हिघाखा। कालाउ का केलाइको पुर्खागेलाइको सिक्स्या धिरलि कालाउ पालि केम्लि इम्बालाइ खान्तेङ आगाल धाअ्का हिघाखा। 15-16कालाउ परमेस्वर ताइको चानहेङ कासेहेङ देखाल पालि इच्छा पाहि, कालाउकि का येसुको बारेता गैर-यहुदिगेलाइहेङ प्राचार पालि द्वाको। परमेस्वर दोङ कासेहेङ जोलोमलि खान्तेङ लाम्फा चुनिहि, कालाउ वाको आनुग्रहहोइ कासेहेङ वाको सेवा पालि काइहि। येसु दोङ ताइमिहेङ कासेहेङ तिङपालि दोतेङ, का हासु दोफा बुङ साल्लाहा पालि मानिघा। 17ना ते का खान्तेङ लाम्फाको छाल्न्हाका चात्यागेलाइहेङ भेतिलि का यरुसेलेम सहरता हानिघा, कालाउ एन्सालाउ दोङ का आरब सारभिता हानिघा, कालाउ इन्तासो दमस्कस सहरता घुरितेङ लोघा।
18कालाउ का सुम बासार न्हुसो पतरुसहेङ भेतिलि यरुसेलेम सहर हानिघा, कालाउ पतरुस दोफा ते ना दिना थेकापा इन्ताङ हिघा। 19का इन्ता प्रभुको ओने याकुबहेङ खिनिङ दुसुघा, जाइ चाहि साल्न्हाका चात्या बुङ हि। 20परमेस्वर गिखे, कि काङको लेखेका काथागेलाइ धाताइका माको। 21का यरुसेलेम सहर लाअ्लि दोअ्तेङ सिरिया प्रदेस कालाउ किलिकिया प्रदेस भारि हानिघा। 22कालाउ यहुदिया जिल्लाको मन्डलिको खान्धुराइगेलाइ कासेहेङ भेतिका मान्थुघाहि। 23कालाउ इम्बालाइ काङको बारेता हिङका खिनिङ हिघाहि, “लाम्फा केलाइहेङ साताइका द्याङ जेदोङ खाङधुरिको प्राचार नासा पालि भोका हिघाहि, एला ताइमिङ ओदोङ खाङधुरिको प्राचार पातेङ हि।” 24ओदोङ भाअ्सिङ इम्बालाइ जेदोङ परमेस्वर काङको भाअ्सिङ इङको काथाहेङ फोम पातेङ परमेस्वरको बाखानाइ पाहि।
دیاریکراوەکانی ئێستا:
गलाति 1: DHINT
بەرچاوکردن
لەبەرگرتنەوە
بەراوردکردن
هاوبەشی بکە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
Dhimal New Testament, by The Love Fellowship is licensed under Creative Commons Attribution-ShareAlike 4.0 License.