2 कोरिन्थि 13
13
आम्तिम चेताउनि
1-2पबित्तरो धर्मसास्तरता एसापा लेखेका हि, “गोताङ दुसिका न्हेमि माकुनु सुमि साक्सिगेलाइको गवाहि पाहासो साबित पालि गोइखे” जेलाउ का न्हे पोल्तिको दुसुकाता का इन्ताङ हिघाखा, का पापमय काम पाकालाइहेङ लाम्फाङ चेताउनि पिका हिघाखा, कालाउ लाम्फाको पात्ताराता नेलाइहेङ चेताउनि पिका कोनिङ आरोङ का नेलाइहेङ कालाउ बो गेलाइहेङ बुङ चेताउनि प्याङका, एला का सुमतेङखे नेलाइकोता ल्वाङका जेसापा इम्बालाइ आझाइ बुङ पाप पालि लाअ्का मान्थुनु हासु बुङ दन्डसो खाअ्लि मादोअ्खे। 3का इसिका दोअ्खा, हाइपालिपानु नेलाइ ख्रिस्ट काङकोसो धुइखे कि माधुइखे दोअ्का प्रमान भोसुखेना, नेलाइको माझाता काम पालाउ वा कमजोर मान्थु, कालाउ वा नेलाइकोता सरबुङसाइका हि। 4हाइपालिपानु कमजोरिता वा क्रुस्टा तोइन्हाहि, कालाउ परमेस्वरको सरबुङता वा आरोङ सिन्हु पाङ हि। एसा पासोङ केलाइ ख्रिस्ट कोमजोर जेङनाङ कोनिङ केलाइ बुङ कोमजोर हिनाहि, कालाउ नेलाइ दोफाको केलाइको ब्यभारता परमेस्वरको सरबुङ पाहासो केलाइ वाको दोफा सिन्हुतेङ ह्याङ।
5नेलाइ खाङधुरिता बल्लियाका हिसुना कि मान्थु सुन्हा दोअ्तेङ ता-ताइमिहेङ जाचिसु कालाउ औवलोकन पासु, कालाउ खाङसु नेलाइको खाङधुरि सत्ये हि कि मान्थु। जाचता आसफल माजेङसुन्हा पानु येसु ख्रिस्ट नेलाइ दोफा हि दोअ्का काथा नेलाइहेङ थाहा हिलि गोइका हि। 6का आस पाङका, कि केलाइ आसफल जेङका मान्थुन्हाहि दोअ्तेङ नेलाइ थाहा गिस्वाना। 7कालाउ केलाइ परमेस्वरता प्रार्थाना पानाखे, कि नेलाइ हाइ दोङ खाराब मापासु। केलाइ या प्रार्थाना पानाखे कि इदोइ जाच पाहासो केलाइ ताइमिङहेङ नेलाइ खाङतेङ आसल जेङका तिङपालि माभोनाखे, इङको को सत्ताता नेलाइहेङ सत्ये काथागेलाइ थाहा जेनाको दोअ्का भोन्हाखे जेसापा केलाइ आसफल जेङलाउ बुङ नेलाइ चाहि सफल जेङसु। 8हाइपालिपानु केलाइ सत्येको बिरोधता हाइ दोङ पालि मादाङ, भरु सत्येको भाअ्सिङ खिनिङ पालि द्वाङ। 9हाइपालिपानु केलाइ हुइलाउ कालाउ नेलाइ खाङधुरिता बल्लियाका हिलाउ केलाइ आनान्दित जेङन्हाखे। केलाइ प्रार्थाना पानाखे कि नेलाइ खाङधुरिता बाढेकाताङ हानेसु कालाउ सिद्द जेङतेङ हानिसु। 10ओदोङ भाअ्सिङ का नेलाइहेङ इदोइ काथा लेखेतेङ हिघा, कालाउकि का नेलाइकोता लोलि खाङतेङ लाम्फा प्रभु कासेहेङ नेलाइहेङ दन्ड पिलि खाबारा पिका हि दोअ्तेङ का नेलाइहेङ तिङपालि द्वाको, हाइपालिपानु का ताइको खाबारा प्रयोग पातेङ नेलाइहेङ खाङधुरिता बल्लियाका बानाइलि भोखा, कालाउ नासा पालिको भाअ्सिङ माको।
11आम्तिमता खान्धुराइ ओनेगेलाइ, एला बिदा पिसु, सिद्द जेङलि कोसिस पासु। ताइको लक्स्य ताअ्सु, काङको सुझाब हिङसु सान्तिता हिसु, कालाउ सान्ति कालाउ प्रेमको परमेस्वर नेलाइ दोफा ह्यावा।
12एमिसो भेनेङहेङ सत्ये प्रेमहोइ सेउपासु। 13झाराङ खान्धुराइगेलाइ नेलाइहेङ सेउपाखा पिगिल्का हि।
14प्रभु येसु ख्रिस्टको आनुग्रह, परमेस्वरको प्रेम कालाउ पबित्तरो आत्माको सङगति नेलाइ झाराङ दोफा ह्याको।
دیاریکراوەکانی ئێستا:
2 कोरिन्थि 13: DHINT
بەرچاوکردن
لەبەرگرتنەوە
بەراوردکردن
هاوبەشی بکە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
Dhimal New Testament, by The Love Fellowship is licensed under Creative Commons Attribution-ShareAlike 4.0 License.