1 थेस्लोनिकि 1
1
1इदोइ पात्तारा का पावल थेसलोनिकि सहरता हिका खान्धुराइगेलाइहेङ लेखेदोङखा, जेदोङ आबा परमेस्वर कालाउ प्रभु येसु ख्रिस्टता हि। कालाउ सिलास कालाउ तिमोथि बुङ नेलाइहेङ सेउपाखा पिगिल्का हि, का प्रार्थाना पाखा, कि परमेस्वर दोङ नेलाइहेङ आनुग्रह कालाउ सान्ति प्याको।
थेस्लोनिकिगेलाइको जिबन कालाउ खाङधुरि
2केलाइ प्रार्थाना पालाउ जेलाउ बुङ नेलाइ झाराङहेङ फोम पानाखे कालाउ नेलाइको भाअ्सिङ परमेस्वरहेङ धन्यबाद पिनाखे। 3जेलाउ केलाइ आबा परमेस्वर दोफा प्रार्थाना पानाखे, केलाइ प्रभु येसु ख्रिस्ट नेलाइको खाङधुरिसो पाका काम, नेलाइ खान्धुराइगेलाइहेङ पाका प्रेम कालाउ साघाइ कालाउ नेलाइको थाङका परिस्रोम, कालाउ नेलाइ प्रभु येसु ख्रिस्ट आरोङ ल्वाङ दोअ्का आसता धर्य पातेङ लागातार फोम पानाखे।
4परमेस्वरको आनाउ खान्धुराइ ओनेगेलाइ, केलाइहेङ इदोइ काथा थाहा दोङ हि, कि परमेस्वर नेलाइहेङ ताइको द्याङ जेङलि छाल्का हि। 5हाइपालिपानु केलाइ येसु ख्रिस्टको बिसोइता सुसमाचारको काथागेलाइता खिनिङ माको, कालाउ पबित्तरो आत्माको सरबुङसो या सत्ये हि दोअ्तेङ पुरा निसित दोफाङ लोका हि। नेलाइ दोफा हिलाउ केलाइको जिबन हिसिका हिघाहि नेलाइ गिसुखेना। 6कालाउ नेलाइ, केलाइ भाइपा कालाउ प्रभु भाइपा रेम्का ब्याभार पासुन्हा। नेलाइ हेन्जा दुख निङतेङ बुङ आनान्दहोइ बचन ग्रहन पासुन्हा, इङको आनान्द पबित्तरो आत्मा पिका हि। 7कालाउ नाअ् म्यासिडोनिया प्रदेस कालाउ आखैया प्रदेसको गोताङ खान्धुराइगेलाइको भाअ्सिङ नेलाइ एनोङ उधाहरन जेङसुन्हा।
8हाइपालिपानु नेलाइ पाहासो परमेस्वरको बचन म्यासिडोनिया प्रदेसता कालाउ आखैया प्रदेसता खिनिङ हिङपाका माको, कालाउ जेता बुङ केलाइ हानिनाखे द्याङगेलाइ परमेस्वरता नेलाइको खाङधुरिको बारेता दोअ्का केलाइ हिङन्हाखे। ओदोङ भाअ्सिङ केलाइ आरु हासुहेङ बुङ नेलाइको बिसोइता हाइ दोङ दोअ्लि मागोइयाङ। 9हाइपालिपानु उङको द्याङगेलाइ आरुगेलाइहेङ दोअ्ताङ कि, केलाइ नेलाइकोता लोलाउ नेलाइ केलाइहेङ हेसा स्वागत पासुन्हा, कालाउ मुर्ति पुजिलि लाअ्तेङ परमेस्वरको भारि घुरिसुन्हा, कालाउकि सिन्हुका कालाउ सत्ये परमेस्वरको सेवा पालि दोसु। 10कालाउ इम्बालाइ दोअ्खे नेलाइ हेसा वाको चान स्वर्गसो आरोङ ल्वाङ दोअ्तेङ नेलाइ दामा खाङतेङ हिसुना, जाइहेङ परमेस्वर सिकासो आरोङ सिन्हु पाका हि, येसु जाइ केलाइहेङ परमेस्वरसो लोलि तोम्का चेरचुङसो बान्चि पावा।
دیاریکراوەکانی ئێستا:
1 थेस्लोनिकि 1: DHINT
بەرچاوکردن
لەبەرگرتنەوە
بەراوردکردن
هاوبەشی بکە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
Dhimal New Testament, by The Love Fellowship is licensed under Creative Commons Attribution-ShareAlike 4.0 License.