KALAQAMA 47
47
1Yooseefino Feriooniwa mare, «Anni'yanna roduuwi'ya ge'reewonsa, me"ensa, saadansanna noonsare baalanka adhite Kana"aaninni dagge, Geeseemi no» yee kulisi. 2Roduuwisi giddonni onte haa're Feriooniwa massi.
3Ferioonino Yooseefi roduuwa, «Maricho assidhine heedhinanni?» yee xa'minsa.
Insano Ferioonira, «Ninke soqqamaanokki, akaakkankente gede saada ce'ne hee'neemmoreeti. 4Gobbakkira wosinchimma hee'nammora dangoommo; Kana"aani gobbara hude batidhino daafiranna saada ittannore hoogginohura, ninke soqqamaanokki Geeseemi hee'neemmo gede fajjattonkera huucci'neemmohe» yitu.
5Ferioonino Yooseefira, «Annikkinna roduuwikki atewa daggino. 6Gibitsete baatto angakki noona, annakkinna roduuwakki woyyitino baatto Geeseemitera heedhanno gede assinsa; insa giddonni saada seekkite allaala egentinore afoottoha ikkiro ane saadano annimmatenni towattanno gede assi» yee coyi'ri.
7Yooseefi annasi Yaiqoobino haa're Feriooniwa massi; Yaiqoobino Feriooni maassi'risi. 8Feriooni Yaiqoobi, «Dirikki me"eho?» yee xa'misi.
9Yaiqoobino, «Basetenni base sa"anni hee'roommohu 130 dirooti; kunino haranchohonna qarru bati'rino dirooti; annuwa'yahu geeshshano di"ikkino» yiisi. 10Qoleno Feriooni maassi're, keerunni yee fule ha'ri.
11Yooseefino annasinna roduuwasi Gibitsete gobbara heedhanno gede, Feriooni hajajino garinni woyyitinota Raamise yinanni baatto insara hornya asse uyinsa. 12Yooseefino annisiranna roduuwisira, annisi mini manni baalunkura oosonsa batinyi garinni hasiisannonsa gide uyinsa.
HUDE BATIDHEENNA YOOSEEFI FUSHSHINO BIDDISHSHA
13Baatto baalate aaninni gidu goofi; hude lowo geeshsha batidhe, Gibitsennihanna Kana"aani manna lowo geeshsha gawajjitu. 14Yooseefi Gibitsennihunna Kana"aani manni gide hidhate uyino birra baalanka gamba asse mootete minira eessi. 15Kunni garinni Gibitsetenna Kana"aani gobbara woxu goofeenna, Gibitsete manni baalunku Yooseefiwa daye, «Ati la'anna reyineemmo? Birru goofinonkena gide uyinke» yitusi.
16Yooseefino, «Birru goofi'nero, gidunni soorreemmo'nena saada'ne abbe» yiinsa. 17Insano saadansa haadhe abbitu; Yooseefino abbitino faradi, ge'reewi, mei, lalunna harrete darga gide uyinsa; hakko diro saadansa baalante darga gide adhitu.
18Hakku diri saeenna layinkihura, Yooseefiwa dagge, «Ate mootichinkera maanxeemmori dinona, birru co'o yee goofino; saadankeno atewa no; umonkenna baattonke agurranna mitturino gatinonkeri dino. 19Ninke ati la'anna reyineemmo? Baattonkeno fano mayira ba'anno? Ninkeno baattonkeno gidunni hidhi; ninkeno Ferioonira borojje ikkineemmo; baattonkeno isita ikkito; ninke reyineemmokki gedenna baattonkeno fano gattannokki gede wixi'neemmo wixano uyinke» yitu.
20Yooseefino Gibitsete baatto baala hire Ferioonira uyi; Gibitsete manni baalunku hude batidheenna baattonsa hiri. Baatto kunni garinni Ferioonita ikkitu. 21Yooseefi qaccetenni qaccete geeshsha nooha Gibitsete manna baala Ferioonira borojje assi. 22Qeesootu qeechansa Feriooniwiinni afidhanno daafira, Yooseefi hidhikkinni insa baatto calla gattino.
23Yooseefi Gibitsete mannira, «Kuneeti techo ki'nenna baatto'ne Ferioonira hiroommona, konne wixa massidhine baatto'nera wixidhe. 24Gide gamba assidhinanni yannara, ontunni mitte anga Ferioonira uuyye; shoole anga kayinni wixaho, umi'nera, mini'ne manniranna ooso'nera sagalete wodhe» yiinsa.
25Mannuno, «Mootichanke, lubbonke gatisoottona, atilla elte haa'rittonkero ninke Ferioonira borojje ikkineemmo» yitusi. 26Kunnira Yooseefi loonsoonnihu giddonni ontunni mitte anga Ferioonira ikkitanno gede assi. Kuni coyino techo geeshsha Gibitsete gobbara seera ikke hee'ranno. Mootennita ikkitukkinni gattinoti qeesootu baatto callate.
YAIQOOBI GOOFIMARCHOHO DHAA'MINO DHAANSA
27Israeelootu Gibitsete gobbara Geeseemi heedhe, lowo jiro afidhu; ilanteno lowo geeshsha batidhu.
28Yaiqoobi Gibitsete gobbara 17 diro hee'ri; mitteenni 147 diro hee'rino. 29Yaiqoobi reyanno yanna rakkinota afe beettosi Yooseefi woshshe, «Baxattoeha ikkiro giwooda'ya amadde, Gibitsete gobbara madaarattoekki gede taalu wodaninni xaarie. 30Reemmo woyite annuwa'ya madaarantinowa madaarama hasi'roommo daafira, Gibitsete gobbanni fushshite insa madaarroonniwa madaarie» yiisi.
Yooseefino, «Maahoyye yoottoe gede asseemmo» yii.
31Yaiqoobino, «Hanni maahoyyena, ‹Hatto asseemmo› yite xaarie» yiisi. Yooseefino xaari; Yaiqoobino daallasu aana hee'renni umo heeshshi yee Magano galaxxi.
دیاریکراوەکانی ئێستا:
KALAQAMA 47: QulMax
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© The Bible Society of Ethiopia; Sidama Holy Bible BSE-UBS 262 P 2014
KALAQAMA 47
47
1Yooseefino Feriooniwa mare, «Anni'yanna roduuwi'ya ge'reewonsa, me"ensa, saadansanna noonsare baalanka adhite Kana"aaninni dagge, Geeseemi no» yee kulisi. 2Roduuwisi giddonni onte haa're Feriooniwa massi.
3Ferioonino Yooseefi roduuwa, «Maricho assidhine heedhinanni?» yee xa'minsa.
Insano Ferioonira, «Ninke soqqamaanokki, akaakkankente gede saada ce'ne hee'neemmoreeti. 4Gobbakkira wosinchimma hee'nammora dangoommo; Kana"aani gobbara hude batidhino daafiranna saada ittannore hoogginohura, ninke soqqamaanokki Geeseemi hee'neemmo gede fajjattonkera huucci'neemmohe» yitu.
5Ferioonino Yooseefira, «Annikkinna roduuwikki atewa daggino. 6Gibitsete baatto angakki noona, annakkinna roduuwakki woyyitino baatto Geeseemitera heedhanno gede assinsa; insa giddonni saada seekkite allaala egentinore afoottoha ikkiro ane saadano annimmatenni towattanno gede assi» yee coyi'ri.
7Yooseefi annasi Yaiqoobino haa're Feriooniwa massi; Yaiqoobino Feriooni maassi'risi. 8Feriooni Yaiqoobi, «Dirikki me"eho?» yee xa'misi.
9Yaiqoobino, «Basetenni base sa"anni hee'roommohu 130 dirooti; kunino haranchohonna qarru bati'rino dirooti; annuwa'yahu geeshshano di"ikkino» yiisi. 10Qoleno Feriooni maassi're, keerunni yee fule ha'ri.
11Yooseefino annasinna roduuwasi Gibitsete gobbara heedhanno gede, Feriooni hajajino garinni woyyitinota Raamise yinanni baatto insara hornya asse uyinsa. 12Yooseefino annisiranna roduuwisira, annisi mini manni baalunkura oosonsa batinyi garinni hasiisannonsa gide uyinsa.
HUDE BATIDHEENNA YOOSEEFI FUSHSHINO BIDDISHSHA
13Baatto baalate aaninni gidu goofi; hude lowo geeshsha batidhe, Gibitsennihanna Kana"aani manna lowo geeshsha gawajjitu. 14Yooseefi Gibitsennihunna Kana"aani manni gide hidhate uyino birra baalanka gamba asse mootete minira eessi. 15Kunni garinni Gibitsetenna Kana"aani gobbara woxu goofeenna, Gibitsete manni baalunku Yooseefiwa daye, «Ati la'anna reyineemmo? Birru goofinonkena gide uyinke» yitusi.
16Yooseefino, «Birru goofi'nero, gidunni soorreemmo'nena saada'ne abbe» yiinsa. 17Insano saadansa haadhe abbitu; Yooseefino abbitino faradi, ge'reewi, mei, lalunna harrete darga gide uyinsa; hakko diro saadansa baalante darga gide adhitu.
18Hakku diri saeenna layinkihura, Yooseefiwa dagge, «Ate mootichinkera maanxeemmori dinona, birru co'o yee goofino; saadankeno atewa no; umonkenna baattonke agurranna mitturino gatinonkeri dino. 19Ninke ati la'anna reyineemmo? Baattonkeno fano mayira ba'anno? Ninkeno baattonkeno gidunni hidhi; ninkeno Ferioonira borojje ikkineemmo; baattonkeno isita ikkito; ninke reyineemmokki gedenna baattonkeno fano gattannokki gede wixi'neemmo wixano uyinke» yitu.
20Yooseefino Gibitsete baatto baala hire Ferioonira uyi; Gibitsete manni baalunku hude batidheenna baattonsa hiri. Baatto kunni garinni Ferioonita ikkitu. 21Yooseefi qaccetenni qaccete geeshsha nooha Gibitsete manna baala Ferioonira borojje assi. 22Qeesootu qeechansa Feriooniwiinni afidhanno daafira, Yooseefi hidhikkinni insa baatto calla gattino.
23Yooseefi Gibitsete mannira, «Kuneeti techo ki'nenna baatto'ne Ferioonira hiroommona, konne wixa massidhine baatto'nera wixidhe. 24Gide gamba assidhinanni yannara, ontunni mitte anga Ferioonira uuyye; shoole anga kayinni wixaho, umi'nera, mini'ne manniranna ooso'nera sagalete wodhe» yiinsa.
25Mannuno, «Mootichanke, lubbonke gatisoottona, atilla elte haa'rittonkero ninke Ferioonira borojje ikkineemmo» yitusi. 26Kunnira Yooseefi loonsoonnihu giddonni ontunni mitte anga Ferioonira ikkitanno gede assi. Kuni coyino techo geeshsha Gibitsete gobbara seera ikke hee'ranno. Mootennita ikkitukkinni gattinoti qeesootu baatto callate.
YAIQOOBI GOOFIMARCHOHO DHAA'MINO DHAANSA
27Israeelootu Gibitsete gobbara Geeseemi heedhe, lowo jiro afidhu; ilanteno lowo geeshsha batidhu.
28Yaiqoobi Gibitsete gobbara 17 diro hee'ri; mitteenni 147 diro hee'rino. 29Yaiqoobi reyanno yanna rakkinota afe beettosi Yooseefi woshshe, «Baxattoeha ikkiro giwooda'ya amadde, Gibitsete gobbara madaarattoekki gede taalu wodaninni xaarie. 30Reemmo woyite annuwa'ya madaarantinowa madaarama hasi'roommo daafira, Gibitsete gobbanni fushshite insa madaarroonniwa madaarie» yiisi.
Yooseefino, «Maahoyye yoottoe gede asseemmo» yii.
31Yaiqoobino, «Hanni maahoyyena, ‹Hatto asseemmo› yite xaarie» yiisi. Yooseefino xaari; Yaiqoobino daallasu aana hee'renni umo heeshshi yee Magano galaxxi.
© The Bible Society of Ethiopia; Sidama Holy Bible BSE-UBS 262 P 2014