KALAQAMA 48
48
YAIQOOBI EFIREEMINNA MINAASE MAASSI'RINSA
1Shiima yanna gedensaanni Yooseefira, «Annikki dhiwamino» yine kullisi; Yooseefino lamenta oososi Minaasenna Efireemi anga adhe Yaiqoobi la"ara mari. 2Yaiqoobira, «Kuneeti beettikki Yooseefi dayino» yine kullisi; Yaiqoobino jawaate kae, daallasisi aana ofolli.
3Yaiqoobi Yooseefira, «Wo'manka Dandaanno Magani Kana"aani baattora Looza yinanni darga leelle maassi're"e, 4‹Sirchokki halashsheemmo; batiseemmohe; lowo gosano asseemmohe; tenne baattono ate gedensaanni sirchikkira hegere iqqa asse eemmonsa› yiinoe.
5«Atewa daammora albaanni Gibitsete gobbara ilantinoheri lamenti oosokki anere ikkito; Efireeminna Minaase anera Roobeelinna Simiooni gedeere ikkitoe. 6Insa gedensaanni ilatto ooso atere ikkito; iqqa ikkitannonsa baattono roduuwinsa baatto aaninni adhitanno. 7Mesiphexoomiyunni dayummo waro, Efiraata eate shiimuri gate hee'reennae, Raaheeli Kana"aani gobbara reyiteenna, hakkiicho Efiraataho doogote gama madaaroommose» yii. Eferaatu techo Beetelihemete yinanniwaati.
8Yaiqoobi Yooseefi ooso lae, «Kuri ayeooti?» yee xa'mi.
9Yooseefino, «Kuri Maganu tenne gobbara hee'reenna uyinoe oosooti» yee dawari.
Yaiqoobino, «Maassi'reemmonsana anewa shiqqi assi» yii. 10Yaiqoobira ille geedhimmatenni kainohunni jaaroortinohura buuxxe dila'annosi. Yooseefi oososi shiqqi asseenna, annisi hanqafe sunqinsa. 11Yaiqoobi Yooseefira, «Ate layinkimeeshsho afeemmo yee dihedoommo; Maganu kayinni ate agurranna oosokki nafa leellishinoe» yiisi. 12Yooseefi oososi Yaiqoobi giwoodi aaninni hoole albunni baatto kisanni heeshshi yee kumbuuli.
13Isino Yaiqoobira Efireemi guraanni, Minaase qole qiniiteenni shiqqi asse uurrisi. 14Yaiqoobi kayinni qiniiticho angasi maa'niidihu Efireemi umi aana wori; guracho anga qiniiticho anga aanaanni qole sayise bayiriidihu Minaase umi aana wori.
15Isino Yooseefira,
«Annuwa'ya Abirihaaminna Yisihaaqi,
yootto gede ikkite soqqantuhe Magani,
aneno anje'yanni kayisse techo geeshsha towatittoehu,
16bushu coyi baalunkunni gatisittoe sokkaasinchi,
tenne ooso maassi'ri.
Anehu, annuwa'ya Abirihaaminna Yisihaaqi su'mino,
insanni woshshamo;
insano baattote aana batidho» yee maassi'rinsa.
17Yooseefi, annisi qiniiticho anga Efireemi umi aana worinota dibaxino. Kunnira, annisi qiniiticho anga Efireemi umi aaninni hoole, Minaase umi aana woranno gede angasi amade, 18«Anna'ya, dihattooti; bayiru konneetina, qiniiticho angakki isi aana wori» yii.
19Annisi kayinni, «Afoommo beetto'ya! Afoommona kunino lowo gosa ikkanno; ikkollana, maa'nu rodiisi iso rooranno; sirchisino bati'ra gosa ikkanno» yee, Yooseefi yiinota giwi. 20Hakko barra maassi'ranninsa, «Israeele maassidhanno yannara ki'ne su'minni, ‹Maganu Efireeminna Minaase gede asso'ne› yitanno» yii. Kunni garinni Yaiqoobi Efireemi Minaasera albaanni qoli. 21Hakkunni gedensaanni Yaiqoobi Yooseefira, «Kuneeti ani reyammoraati; Maganu kayinni ki'ne ledo hee're, galagalche annuwa'ne baatto massanno'ne. 22Ani Amooraawootuwiinni bagadi'yanni olame adhoommota shaqqado tullichaame baatto roduuwikkira ikkikkinni atera oommohe» yiisi.
دیاریکراوەکانی ئێستا:
KALAQAMA 48: QulMax
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© The Bible Society of Ethiopia; Sidama Holy Bible BSE-UBS 262 P 2014
KALAQAMA 48
48
YAIQOOBI EFIREEMINNA MINAASE MAASSI'RINSA
1Shiima yanna gedensaanni Yooseefira, «Annikki dhiwamino» yine kullisi; Yooseefino lamenta oososi Minaasenna Efireemi anga adhe Yaiqoobi la"ara mari. 2Yaiqoobira, «Kuneeti beettikki Yooseefi dayino» yine kullisi; Yaiqoobino jawaate kae, daallasisi aana ofolli.
3Yaiqoobi Yooseefira, «Wo'manka Dandaanno Magani Kana"aani baattora Looza yinanni darga leelle maassi're"e, 4‹Sirchokki halashsheemmo; batiseemmohe; lowo gosano asseemmohe; tenne baattono ate gedensaanni sirchikkira hegere iqqa asse eemmonsa› yiinoe.
5«Atewa daammora albaanni Gibitsete gobbara ilantinoheri lamenti oosokki anere ikkito; Efireeminna Minaase anera Roobeelinna Simiooni gedeere ikkitoe. 6Insa gedensaanni ilatto ooso atere ikkito; iqqa ikkitannonsa baattono roduuwinsa baatto aaninni adhitanno. 7Mesiphexoomiyunni dayummo waro, Efiraata eate shiimuri gate hee'reennae, Raaheeli Kana"aani gobbara reyiteenna, hakkiicho Efiraataho doogote gama madaaroommose» yii. Eferaatu techo Beetelihemete yinanniwaati.
8Yaiqoobi Yooseefi ooso lae, «Kuri ayeooti?» yee xa'mi.
9Yooseefino, «Kuri Maganu tenne gobbara hee'reenna uyinoe oosooti» yee dawari.
Yaiqoobino, «Maassi'reemmonsana anewa shiqqi assi» yii. 10Yaiqoobira ille geedhimmatenni kainohunni jaaroortinohura buuxxe dila'annosi. Yooseefi oososi shiqqi asseenna, annisi hanqafe sunqinsa. 11Yaiqoobi Yooseefira, «Ate layinkimeeshsho afeemmo yee dihedoommo; Maganu kayinni ate agurranna oosokki nafa leellishinoe» yiisi. 12Yooseefi oososi Yaiqoobi giwoodi aaninni hoole albunni baatto kisanni heeshshi yee kumbuuli.
13Isino Yaiqoobira Efireemi guraanni, Minaase qole qiniiteenni shiqqi asse uurrisi. 14Yaiqoobi kayinni qiniiticho angasi maa'niidihu Efireemi umi aana wori; guracho anga qiniiticho anga aanaanni qole sayise bayiriidihu Minaase umi aana wori.
15Isino Yooseefira,
«Annuwa'ya Abirihaaminna Yisihaaqi,
yootto gede ikkite soqqantuhe Magani,
aneno anje'yanni kayisse techo geeshsha towatittoehu,
16bushu coyi baalunkunni gatisittoe sokkaasinchi,
tenne ooso maassi'ri.
Anehu, annuwa'ya Abirihaaminna Yisihaaqi su'mino,
insanni woshshamo;
insano baattote aana batidho» yee maassi'rinsa.
17Yooseefi, annisi qiniiticho anga Efireemi umi aana worinota dibaxino. Kunnira, annisi qiniiticho anga Efireemi umi aaninni hoole, Minaase umi aana woranno gede angasi amade, 18«Anna'ya, dihattooti; bayiru konneetina, qiniiticho angakki isi aana wori» yii.
19Annisi kayinni, «Afoommo beetto'ya! Afoommona kunino lowo gosa ikkanno; ikkollana, maa'nu rodiisi iso rooranno; sirchisino bati'ra gosa ikkanno» yee, Yooseefi yiinota giwi. 20Hakko barra maassi'ranninsa, «Israeele maassidhanno yannara ki'ne su'minni, ‹Maganu Efireeminna Minaase gede asso'ne› yitanno» yii. Kunni garinni Yaiqoobi Efireemi Minaasera albaanni qoli. 21Hakkunni gedensaanni Yaiqoobi Yooseefira, «Kuneeti ani reyammoraati; Maganu kayinni ki'ne ledo hee're, galagalche annuwa'ne baatto massanno'ne. 22Ani Amooraawootuwiinni bagadi'yanni olame adhoommota shaqqado tullichaame baatto roduuwikkira ikkikkinni atera oommohe» yiisi.
© The Bible Society of Ethiopia; Sidama Holy Bible BSE-UBS 262 P 2014