KALAQAMA 46
46
YAIQOOBI MAATESI BAALANTE LEDO GIBITSE HA'RI
1Yaiqoobi noosire baalanka adhe ha'ranni Bersaabehi iille, annisi Yisihaaqi Maganira kakkalo kakkali.
2Maganu hashsha ajuujatenni, «Yaiqoobi! Yaiqoobi!» yee woshshisi. Isino, «Mooticha'ya macciishsheemmona coyi'ri» yii.
3Maganuno, «Ani annuwakki Maganooti; hakkiicho sirchokki lowo gosa asseemmona Gibitse ha'ra waajjitooti. 4Ani Gibitse ledokki ha'reemmo; hakkiinnino qole sirchokki fushsheemmo; Yooseefino reyatto yannara amadannohe» yiisi.
5Yaiqoobino, Barshaabehinni kae Gibitse ha'ri; oososino annansa Yaiqoobi, qaaqquullenna meentonsa Feriooni soyino gaare harrennite aana wortunsa. 6#Soq 7:14,15 lai. Saadansanna Kana"aani heedhe afidhino jajja baalanka adhite hadhu; Yaiqoobi Gibitse adhe ha'rinoti maatesi: 7Oososi labballohonna seenneho, oososi oosootinna oososi iltino seenneeti.
8Gibitse hadhinori Israeeli ooso su'mi aane nooho:
Yaiqoobihu bayiru beetti Roobeeliiti; 9Roobeeli ooso: Hanooki, Faalu, Hetsirooniitinna Kariimiiti. 10Simiooni ooso: Yimueeli, Yamiini, Ohaadi, Yakiini, Tsohaariitinna Kana"aanitte iltinohu Shauuliiti. 11Leewi ooso: Gershooni, Qohaatiitinna Meraariiti. 12Yihudi ooso: Sheela, Faareesiitinna Zaarahiiti; (Yihuditi wole ooso Eerinna Oonaani Kana"aani gobbara reyitino.) Faareesi ooso: Hetsirooniitinna Hamuuliiti. 13Yisaakoori ooso: Tola, Fuha, Yashuubiitinna Shimirooniiti. 14Zaabilooni ooso: Sereedi, Elooniitinna Yahilieeliiti. 15Kuri labballi oosonna meya beetto Diina Mesiphexoomiyaho hee'reenna Liya Yaiqoobiri iltinosireeti. Yaiqoobira Liya iltinosi oosonna oososi ooso mitteenni sajjiina saseho. 16Gaadi ooso: Tseefooni, Haagi, Shuni, Etsibooni, Eeri, Aroodiitinna Arieeliiti. 17Asheeri ooso: Imina, Ishiwa, Ishiwiitinna Beriaati. Rodoonsa Seeraahiiti. Beria ooso Hebeeriitinna Malkieeliiti. 18Kuri tonaa leyunku, Laaba beettosi Liyara soqqantara uyinoseti Zilfa Yaiqoobira iltino oosootinna oososi oosooti. 19Yaiqoobira Raaheeli Yooseefinna Biiniyaami iltinosi. 20Yooseefi ooso: Minaaseetinna Efireemiiti; insa Yooseefira Gibitsete gobbara Ooni Katami qeesichi Phoxifeera beetto Asenaati iltinosireeti. 21Biiniyaami ooso: Beelai, Bekeeri, Ashibeeli, Geera, Naimaani, Eehi, Rooshi, Mufiimi, Huufiimiitinna Areediiti. 22Kuri tonaa shoolunku Yaiqoobira Raaheeli iltinosi oosootinna oososi oosooti. 23Daani beetti Hushiimiiti. 24Nifitaalemi ooso: Yahitsieeli, Guuni, Yetseeriitinna Shileemiiti. 25Kuri lamalunku Laaba beettosi Raaheelira soqqantara uyinoseti Biliha Yaiqoobira iltinosi oosootinna oososi oosooti. 26Oososi seenne kiirrikkinni Yaiqoobi ledo Gibitse hadhinori Yaiqoobi maate leyayina leeho. 27Yooseefira Gibitsete ilantinore lame labballi ooso lendiro, Yaiqoobi ledo Gibitse e'inori maatesi mitteenni lamalaaho.
YAIQOOBINNA MAATESI GIBITSETE GOBBA TEESSO ASSIDHU
28Geeseemi Gobbara xaaddanno gede Yaiqoobi Yihuda umo asse Yooseefiwa soyi; Geeseemi iillitu yannara, 29Yooseefi annisi ledo xaadara faradi gaare gulufe hakkiira mari; Yooseefi annisi ledo xaade goowisira marmarame lowo yanna wi'li.
30Yaiqoobi Yooseefira, «Ati lubbotenni noottota afummo woyite reyummoro nafa digaabbeemmo» yii.
31Yooseefino roduuwisiranna annisi mini mannira, «Ani Feriooniwa mare, ‹Kana"aani gobbara heedhannori roduuwi'yanna anni'ya mini manni anewa daggino. 32Insano saada ce'e heedhannoreeti; ge'reewo, me"e, lalonna noonsare baalanka adhite daggino› yee kuleemmosi. 33Feriooni woshshe, ‹Maricho assidhine heedhinanni?› yee xa'manno'ne woyite, 34‹Ninke akaakkankente gede anjenkenni kayinse saada ce'ne hee'neemmoreeti› yitine dawarresi. Saada ce'annori Gibitsootaho lago ikkitino daafira, tenne kultiniro, Geeseemi baattora heedhinanni gede assinanni'ne» yiinsa.
دیاریکراوەکانی ئێستا:
KALAQAMA 46: QulMax
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© The Bible Society of Ethiopia; Sidama Holy Bible BSE-UBS 262 P 2014
KALAQAMA 46
46
YAIQOOBI MAATESI BAALANTE LEDO GIBITSE HA'RI
1Yaiqoobi noosire baalanka adhe ha'ranni Bersaabehi iille, annisi Yisihaaqi Maganira kakkalo kakkali.
2Maganu hashsha ajuujatenni, «Yaiqoobi! Yaiqoobi!» yee woshshisi. Isino, «Mooticha'ya macciishsheemmona coyi'ri» yii.
3Maganuno, «Ani annuwakki Maganooti; hakkiicho sirchokki lowo gosa asseemmona Gibitse ha'ra waajjitooti. 4Ani Gibitse ledokki ha'reemmo; hakkiinnino qole sirchokki fushsheemmo; Yooseefino reyatto yannara amadannohe» yiisi.
5Yaiqoobino, Barshaabehinni kae Gibitse ha'ri; oososino annansa Yaiqoobi, qaaqquullenna meentonsa Feriooni soyino gaare harrennite aana wortunsa. 6#Soq 7:14,15 lai. Saadansanna Kana"aani heedhe afidhino jajja baalanka adhite hadhu; Yaiqoobi Gibitse adhe ha'rinoti maatesi: 7Oososi labballohonna seenneho, oososi oosootinna oososi iltino seenneeti.
8Gibitse hadhinori Israeeli ooso su'mi aane nooho:
Yaiqoobihu bayiru beetti Roobeeliiti; 9Roobeeli ooso: Hanooki, Faalu, Hetsirooniitinna Kariimiiti. 10Simiooni ooso: Yimueeli, Yamiini, Ohaadi, Yakiini, Tsohaariitinna Kana"aanitte iltinohu Shauuliiti. 11Leewi ooso: Gershooni, Qohaatiitinna Meraariiti. 12Yihudi ooso: Sheela, Faareesiitinna Zaarahiiti; (Yihuditi wole ooso Eerinna Oonaani Kana"aani gobbara reyitino.) Faareesi ooso: Hetsirooniitinna Hamuuliiti. 13Yisaakoori ooso: Tola, Fuha, Yashuubiitinna Shimirooniiti. 14Zaabilooni ooso: Sereedi, Elooniitinna Yahilieeliiti. 15Kuri labballi oosonna meya beetto Diina Mesiphexoomiyaho hee'reenna Liya Yaiqoobiri iltinosireeti. Yaiqoobira Liya iltinosi oosonna oososi ooso mitteenni sajjiina saseho. 16Gaadi ooso: Tseefooni, Haagi, Shuni, Etsibooni, Eeri, Aroodiitinna Arieeliiti. 17Asheeri ooso: Imina, Ishiwa, Ishiwiitinna Beriaati. Rodoonsa Seeraahiiti. Beria ooso Hebeeriitinna Malkieeliiti. 18Kuri tonaa leyunku, Laaba beettosi Liyara soqqantara uyinoseti Zilfa Yaiqoobira iltino oosootinna oososi oosooti. 19Yaiqoobira Raaheeli Yooseefinna Biiniyaami iltinosi. 20Yooseefi ooso: Minaaseetinna Efireemiiti; insa Yooseefira Gibitsete gobbara Ooni Katami qeesichi Phoxifeera beetto Asenaati iltinosireeti. 21Biiniyaami ooso: Beelai, Bekeeri, Ashibeeli, Geera, Naimaani, Eehi, Rooshi, Mufiimi, Huufiimiitinna Areediiti. 22Kuri tonaa shoolunku Yaiqoobira Raaheeli iltinosi oosootinna oososi oosooti. 23Daani beetti Hushiimiiti. 24Nifitaalemi ooso: Yahitsieeli, Guuni, Yetseeriitinna Shileemiiti. 25Kuri lamalunku Laaba beettosi Raaheelira soqqantara uyinoseti Biliha Yaiqoobira iltinosi oosootinna oososi oosooti. 26Oososi seenne kiirrikkinni Yaiqoobi ledo Gibitse hadhinori Yaiqoobi maate leyayina leeho. 27Yooseefira Gibitsete ilantinore lame labballi ooso lendiro, Yaiqoobi ledo Gibitse e'inori maatesi mitteenni lamalaaho.
YAIQOOBINNA MAATESI GIBITSETE GOBBA TEESSO ASSIDHU
28Geeseemi Gobbara xaaddanno gede Yaiqoobi Yihuda umo asse Yooseefiwa soyi; Geeseemi iillitu yannara, 29Yooseefi annisi ledo xaadara faradi gaare gulufe hakkiira mari; Yooseefi annisi ledo xaade goowisira marmarame lowo yanna wi'li.
30Yaiqoobi Yooseefira, «Ati lubbotenni noottota afummo woyite reyummoro nafa digaabbeemmo» yii.
31Yooseefino roduuwisiranna annisi mini mannira, «Ani Feriooniwa mare, ‹Kana"aani gobbara heedhannori roduuwi'yanna anni'ya mini manni anewa daggino. 32Insano saada ce'e heedhannoreeti; ge'reewo, me"e, lalonna noonsare baalanka adhite daggino› yee kuleemmosi. 33Feriooni woshshe, ‹Maricho assidhine heedhinanni?› yee xa'manno'ne woyite, 34‹Ninke akaakkankente gede anjenkenni kayinse saada ce'ne hee'neemmoreeti› yitine dawarresi. Saada ce'annori Gibitsootaho lago ikkitino daafira, tenne kultiniro, Geeseemi baattora heedhinanni gede assinanni'ne» yiinsa.
© The Bible Society of Ethiopia; Sidama Holy Bible BSE-UBS 262 P 2014