KALAQAMA 45
45
YOOSEEFI EWELUMMASI RODUUWISIRA KULI
1Yooseefino mulesi uurre noo manni baalunku albaanni cinca hooge naggi yiino qaalinni, «Manna baalanka gobbara fushshe"e» yee soqqamaanosira coyi'ri. Yooseefi roduuwisira ewelummasi egensiisinsa yannara, mule wolu noohu dino. 2Qoonqosi naggi asse wi'lanna, Gibitsete manni macciishshi; duduwu Feriooni minirano iilli.
3Yooseefi roduuwisira, «Ani Yooseefiiti; anni'ya xaa geeshsha lubbotenni nooni?» yiinsa. Roduuwisi kayinni masse jalli yite mittoreno coyi'ra hooggu. 4Qoleno roduuwisira, «Hanni anewa shiqqi yiiyye» yiinsa. Insano shiqqi yiteenna, «Gibitsete mannira hirtiniehu rodii'ne Yooseefi aneeti. 5Maganu mannu lubbo gatisara ki'nera alba asse soyinoena, xa kayinni hirtinoonnie daafira dadillitinoonte; gaabbitinoonte. 6Baattote aana hude ubbunkunni lame diro ikkino; loosi'ne jajja gamba assi'nannikkihu ontu diri gatino. 7Maganu baattote aana sircho gatiseemmo'ne gedenna lubbo'ne gattanno gede ki'nera alba asse soyinoe.
8«Xaano ikkiro kawiira soyinoehu Maganoho ikkinnina, ki'ne di"ikkitinoonni. Isino, Ferioonira umi amaalaasincho assinoe; minisira baalaho mooticha, Gibitsete baatto baalate gashshaancho assinoe. 9Xa rakkine anni'yawa hadhine, ‹Beettikki Yooseefi, Maganu wo'ma Gibitsete gashshaancho assinoe; kunnira keeshshittokkinni rakke anewa amo; 10anewa Geeseemi yinanni baattora hee'rattona, oosokki, oosokki ooso, ge'reewokki, me"ekki, wole saadakkinna noohere baalanka adhite amo. 11Ontu hudete diri alba hige gate noona, atinna maatekki saadakkino hudidhannokki gede Geeseemi heedhinanna towateemmohena› yiino yitine kullesi?» yii.
12Qoleno, «Xa coyi'reemmo'nehu ani Yooseefi ikkoommota ki'ne affinoonni; rodii'ya Biiniyaamino afino. 13Anni'yara Gibitsete gobbara nooe ayirrinyenna la'inoonnire baalanka kullesi; isono rakkine kawiira abbe» yiinsa.
14Hakkunni gedensaanni, rodiisi Biiniyaami goowa cu'mi're wi'li. Biiniyaamino goowasira marmarame wi'li. 15Roduuwasi baalanka sunqanni wi'li; hakkunni gedensaanni roduuwisi isi ledo hasaabbu.
16Feriooni mineno, «Yooseefi roduuwi daggino» yinanni duduwi macciishshite, Feriooninna ledosi gashshaano hagiidhitu. 17Ferioonino Yooseefira, «Roduuwikkira, ‹Saada'ne hogophitine Kana"aanira hadhe; 18anna'nenna maate'ne haadhine anewa amme; anino Gibitsennita woyyitino baatto eemmo'ne; baatto fushshitannota dancha sagaleno ittinannina. 19Qolteno roduuwikkira qaaqquulle'ne, meento'nenna anna'ne abbidhinanni gede, Gibitsetenni jawa harrete gaare adhitine hadhe. 20Gibitsete baattora woyyinore afidhinanni daafira, agurtine dagginanni uduunnirano yaaddinoonte› yiinsa» yee xaamisi.
21Yaiqoobi oosono yinoonninsa gede assitu; Yooseefino Feriooni hajajino garinni harrete gaarenna doogote ikkanno sinqe uyinsa; 22baalunkura soorridhannoha wo'ma imaana uyinsa; Biiniyaamira kayinni 300 kinchu birranna soorri'rannoha 5 wo'ma imaana uyisi. 23Annisirano hattonni Gibitsenniha dancha afansha hogombannire 10 wodala, qoleno daanno woyitira doogote ikkannoha annisira sinqu sagalenna gide hogombannita 10 xala harre soyi. 24Yooseefino roduuwasi geegiisse higanni, «Doogote aana mimmiti'ne ledo giwantinoonte» yiinsa.
25Insano Gibitsete gobbanni fulte hadhe, Kana"aani gobba anninsa Yaiqoobiwa iillitu. 26Anninsarano, «Yooseefi xaa geeshsha lubbotenni no; isino Gibitsete gobba baalantera gashshaancho ikkino» yite kultusi. Yaiqoobino yitinota ammaninokki daafira mase jalli yii.
27Insa Yooseefi yiinonsata baala kultusitanna, iso abbinanni gede soyinota harrete gaare afi yannara, anninsa Yaiqoobiti lubbosi haaroo'mitu. 28Yaiqoobino, «Beetti'ya Yooseefi xaa geeshsha lubbotenni nooro ikkie; reyummokkinni afeemmosi gede xa ha'reemmo» yii.
دیاریکراوەکانی ئێستا:
KALAQAMA 45: QulMax
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© The Bible Society of Ethiopia; Sidama Holy Bible BSE-UBS 262 P 2014
KALAQAMA 45
45
YOOSEEFI EWELUMMASI RODUUWISIRA KULI
1Yooseefino mulesi uurre noo manni baalunku albaanni cinca hooge naggi yiino qaalinni, «Manna baalanka gobbara fushshe"e» yee soqqamaanosira coyi'ri. Yooseefi roduuwisira ewelummasi egensiisinsa yannara, mule wolu noohu dino. 2Qoonqosi naggi asse wi'lanna, Gibitsete manni macciishshi; duduwu Feriooni minirano iilli.
3Yooseefi roduuwisira, «Ani Yooseefiiti; anni'ya xaa geeshsha lubbotenni nooni?» yiinsa. Roduuwisi kayinni masse jalli yite mittoreno coyi'ra hooggu. 4Qoleno roduuwisira, «Hanni anewa shiqqi yiiyye» yiinsa. Insano shiqqi yiteenna, «Gibitsete mannira hirtiniehu rodii'ne Yooseefi aneeti. 5Maganu mannu lubbo gatisara ki'nera alba asse soyinoena, xa kayinni hirtinoonnie daafira dadillitinoonte; gaabbitinoonte. 6Baattote aana hude ubbunkunni lame diro ikkino; loosi'ne jajja gamba assi'nannikkihu ontu diri gatino. 7Maganu baattote aana sircho gatiseemmo'ne gedenna lubbo'ne gattanno gede ki'nera alba asse soyinoe.
8«Xaano ikkiro kawiira soyinoehu Maganoho ikkinnina, ki'ne di"ikkitinoonni. Isino, Ferioonira umi amaalaasincho assinoe; minisira baalaho mooticha, Gibitsete baatto baalate gashshaancho assinoe. 9Xa rakkine anni'yawa hadhine, ‹Beettikki Yooseefi, Maganu wo'ma Gibitsete gashshaancho assinoe; kunnira keeshshittokkinni rakke anewa amo; 10anewa Geeseemi yinanni baattora hee'rattona, oosokki, oosokki ooso, ge'reewokki, me"ekki, wole saadakkinna noohere baalanka adhite amo. 11Ontu hudete diri alba hige gate noona, atinna maatekki saadakkino hudidhannokki gede Geeseemi heedhinanna towateemmohena› yiino yitine kullesi?» yii.
12Qoleno, «Xa coyi'reemmo'nehu ani Yooseefi ikkoommota ki'ne affinoonni; rodii'ya Biiniyaamino afino. 13Anni'yara Gibitsete gobbara nooe ayirrinyenna la'inoonnire baalanka kullesi; isono rakkine kawiira abbe» yiinsa.
14Hakkunni gedensaanni, rodiisi Biiniyaami goowa cu'mi're wi'li. Biiniyaamino goowasira marmarame wi'li. 15Roduuwasi baalanka sunqanni wi'li; hakkunni gedensaanni roduuwisi isi ledo hasaabbu.
16Feriooni mineno, «Yooseefi roduuwi daggino» yinanni duduwi macciishshite, Feriooninna ledosi gashshaano hagiidhitu. 17Ferioonino Yooseefira, «Roduuwikkira, ‹Saada'ne hogophitine Kana"aanira hadhe; 18anna'nenna maate'ne haadhine anewa amme; anino Gibitsennita woyyitino baatto eemmo'ne; baatto fushshitannota dancha sagaleno ittinannina. 19Qolteno roduuwikkira qaaqquulle'ne, meento'nenna anna'ne abbidhinanni gede, Gibitsetenni jawa harrete gaare adhitine hadhe. 20Gibitsete baattora woyyinore afidhinanni daafira, agurtine dagginanni uduunnirano yaaddinoonte› yiinsa» yee xaamisi.
21Yaiqoobi oosono yinoonninsa gede assitu; Yooseefino Feriooni hajajino garinni harrete gaarenna doogote ikkanno sinqe uyinsa; 22baalunkura soorridhannoha wo'ma imaana uyinsa; Biiniyaamira kayinni 300 kinchu birranna soorri'rannoha 5 wo'ma imaana uyisi. 23Annisirano hattonni Gibitsenniha dancha afansha hogombannire 10 wodala, qoleno daanno woyitira doogote ikkannoha annisira sinqu sagalenna gide hogombannita 10 xala harre soyi. 24Yooseefino roduuwasi geegiisse higanni, «Doogote aana mimmiti'ne ledo giwantinoonte» yiinsa.
25Insano Gibitsete gobbanni fulte hadhe, Kana"aani gobba anninsa Yaiqoobiwa iillitu. 26Anninsarano, «Yooseefi xaa geeshsha lubbotenni no; isino Gibitsete gobba baalantera gashshaancho ikkino» yite kultusi. Yaiqoobino yitinota ammaninokki daafira mase jalli yii.
27Insa Yooseefi yiinonsata baala kultusitanna, iso abbinanni gede soyinota harrete gaare afi yannara, anninsa Yaiqoobiti lubbosi haaroo'mitu. 28Yaiqoobino, «Beetti'ya Yooseefi xaa geeshsha lubbotenni nooro ikkie; reyummokkinni afeemmosi gede xa ha'reemmo» yii.
© The Bible Society of Ethiopia; Sidama Holy Bible BSE-UBS 262 P 2014