FULO 10
10
Kanchafare
1Hakkunni gedensaanni Kaaliiqi Muse, «Galagalte Feriooniwa mari; isihanna ledosi gashshaasine wodana dilleessoommohu tenne maalale assammora yeeti; 2ki'neno, tenne maalalenni Gibitsoota asse godo'loommo gara ooso'neranna ooso'ne oosora kultinanni. Kunninni, ki'ne baalunku ani Kaaliiqa ikkoommota affinanni» yiisi.
3Kunnira Muse Aarooni ledo Feriooniwa mare, «Ibiraawootu Magani Kaaliiqi, ‹Anera heeshshi yaattokkihu mamooti geeshshaati? Manni'ya magansi'rannoe gede ha'rona aguri; 4giwittoro kayinni, ga'a barrinni gobbakkira kanchafare facci asse agureemmo. 5Batinyisinni kainohunni baatto gudise beeshshanno; kaadetewiinni gatino haqqi nafa gatikkinni co'o asse gudanno. 6Mootimmakki minna, ledokki gashshaanonna mannikki minna baalate kanchafaru wo'manno; annuwakkinna akaakkakki waro ikke egenninokki qarri ikkanno› yiino» yii.
Hakkunni gedensaanni Muse Feriooni albinni fule ha'ri.
7Ledosi gashshaano Ferioonira, «Kuni manchi ninke mamooti geeshsha qarrisanno? Maganonsa Kaaliiqa magansi'rate labballu geeshshi hadhona aguri; gobba ba'anni noota diaffanni nootto?» yitusi.
8Kunnira, Musenna Aarooni woshshine Feriooniwa shiqinshi; Ferioonino, «Hadhine Kaaliiqa Magano'ne magansidhe; ha'ranno manni kayinni mageeshshaati?» yee xa'minsa.
9Muse daware, «Marreemmowa Kaaliiqi ayyaana ayirrisate jila jilleemmo daafira, aja akkala yinikkinni baalunku ha'neemmo; oosonkenna seennenke, ge'reewonke, me"enkenna lalonke baala adhine ha'neemmo» yii.
10Ferioonino, «Wodani'nera bunshe no; Kaaliiqi halaaleeti! Ooso'nenna meento'ne ha'rara diagureemmo. 11Kaaliiqa magansi'ra hasidhiniro, labballu callu ha'ra dandiitinanni» yii. Hakkunni gedensaanni, Musenna Aarooni Feriooni albinni shorrininsa.
12Kaaliiqi Musera, «Kanchafaru dirre, kaadetewiinni gattinota baattote aana noo mu'ro baala gudanno gede Gibitsete gobba aana angakki kayisi» yiisi. 13Museno Gibitsete baatto aana siqqosi kayisi; Kaaliiqino hakko barranna hakko hashsha wo'ma soojjaati bubbe kayisi; soodita, bubbe kanchafare haadhe abbitu. 14Kanchafaruno fule, Gibitsete gobba baala wo'mi; hakkeeshshi kanchafare hakkuyira albaanni anfe diegenninoonni; albillitteno hakkeeshshi kanchafare dianfanni. 15Gobba baala tunsiise amadino daafira, kaadetewiinni gattinota haqqu aana noo laalonna mu'ro baala mucuqqi asse iti; Gibitsete baattora noo haqqi mittuno gatikkinni shamaricho baala co'o asse gudi.
16Ferioonino Musenna Aarooni rahotenni woshshiishe, «Ki'nenna Magani'ne Kaaliiqi aana sao assoommo. 17Xa mitte higginella sao'ya agurtine, tenne goofo aani'yanni hoolannoe gede Magano'ne Kaaliiqa huucce"e» yiinsa. 18Museno Feriooni albinni fule ha're, Kaaliiqa huucci. 19Kaaliiqino kanchafare fiite haadhe hadhe Duumu Baari giddo huntannota kaajjado galchimi bubbe kayisi; Gibitsete baattora mittu kanchafarchi nafa digatino. 20Ikkollana, Kaaliiqi Feriooni wodana dilleessino daafira, Israeele hadhara diagurino.
Tunsicho
21Hakkunni gedensaanni Kaaliiqi Muse, «Gibitsete baatto angatenni amandanni gedeehu beebbu tunsichi amadanno gede, angakki iima qolte kayisi» yii. 22Museno angasi iima qole kayisi; Gibitsete baatto baala 3 barra beebbu tunsichi amadi. 23Gibitsootu mimmitonsa affara dandiitinokki daafira, 3 barri geeshsha mininni difultino; Israeele noowa kayinni xawaabbaho.
24Feriooni Muse woshshe, «Hadhine Kaaliiqa magansidhe; meenti'nenna ooso'neno ledo'ne hadhona; ge'reewi'ne, mei'nenna lali'ne kayinni konniicho gatona» yii.
25Museno, «Hatto ikkannoha ikkiro, Maganinke Kaaliiqira kakka'lineemmotanna shilqishi'neemmo saada ati aattonke? 26Horontanni kuni di"ikkanno coyeti; saadanke baala adhine ha'neemmo; mittichu culunqichi nafa digatanno. Maganinke Kaaliiqira kakka'lineemmore saadanke giddonni adhineemmo; hakkiira iillinammo geeshsha kayinni, kakkalleemmo saada hiittootero dianfoommo» yee dawari.
27Kaaliiqi Feriooni wodana dilleessino daafira, manna ha'rara diagurino. 28Kunni daafira Feriooni Muse, «Albi'yanni ho'li! Kunni ka'a ane illera leeltooti! Ille'yara leellootto barra reyatto» yiisi.
29Museno, «Maahoyye yoottonte gede, xaate ate illera dileelleemmo» yiisi.
دیاریکراوەکانی ئێستا:
FULO 10: QulMax
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© The Bible Society of Ethiopia; Sidama Holy Bible BSE-UBS 262 P 2014
FULO 10
10
Kanchafare
1Hakkunni gedensaanni Kaaliiqi Muse, «Galagalte Feriooniwa mari; isihanna ledosi gashshaasine wodana dilleessoommohu tenne maalale assammora yeeti; 2ki'neno, tenne maalalenni Gibitsoota asse godo'loommo gara ooso'neranna ooso'ne oosora kultinanni. Kunninni, ki'ne baalunku ani Kaaliiqa ikkoommota affinanni» yiisi.
3Kunnira Muse Aarooni ledo Feriooniwa mare, «Ibiraawootu Magani Kaaliiqi, ‹Anera heeshshi yaattokkihu mamooti geeshshaati? Manni'ya magansi'rannoe gede ha'rona aguri; 4giwittoro kayinni, ga'a barrinni gobbakkira kanchafare facci asse agureemmo. 5Batinyisinni kainohunni baatto gudise beeshshanno; kaadetewiinni gatino haqqi nafa gatikkinni co'o asse gudanno. 6Mootimmakki minna, ledokki gashshaanonna mannikki minna baalate kanchafaru wo'manno; annuwakkinna akaakkakki waro ikke egenninokki qarri ikkanno› yiino» yii.
Hakkunni gedensaanni Muse Feriooni albinni fule ha'ri.
7Ledosi gashshaano Ferioonira, «Kuni manchi ninke mamooti geeshsha qarrisanno? Maganonsa Kaaliiqa magansi'rate labballu geeshshi hadhona aguri; gobba ba'anni noota diaffanni nootto?» yitusi.
8Kunnira, Musenna Aarooni woshshine Feriooniwa shiqinshi; Ferioonino, «Hadhine Kaaliiqa Magano'ne magansidhe; ha'ranno manni kayinni mageeshshaati?» yee xa'minsa.
9Muse daware, «Marreemmowa Kaaliiqi ayyaana ayirrisate jila jilleemmo daafira, aja akkala yinikkinni baalunku ha'neemmo; oosonkenna seennenke, ge'reewonke, me"enkenna lalonke baala adhine ha'neemmo» yii.
10Ferioonino, «Wodani'nera bunshe no; Kaaliiqi halaaleeti! Ooso'nenna meento'ne ha'rara diagureemmo. 11Kaaliiqa magansi'ra hasidhiniro, labballu callu ha'ra dandiitinanni» yii. Hakkunni gedensaanni, Musenna Aarooni Feriooni albinni shorrininsa.
12Kaaliiqi Musera, «Kanchafaru dirre, kaadetewiinni gattinota baattote aana noo mu'ro baala gudanno gede Gibitsete gobba aana angakki kayisi» yiisi. 13Museno Gibitsete baatto aana siqqosi kayisi; Kaaliiqino hakko barranna hakko hashsha wo'ma soojjaati bubbe kayisi; soodita, bubbe kanchafare haadhe abbitu. 14Kanchafaruno fule, Gibitsete gobba baala wo'mi; hakkeeshshi kanchafare hakkuyira albaanni anfe diegenninoonni; albillitteno hakkeeshshi kanchafare dianfanni. 15Gobba baala tunsiise amadino daafira, kaadetewiinni gattinota haqqu aana noo laalonna mu'ro baala mucuqqi asse iti; Gibitsete baattora noo haqqi mittuno gatikkinni shamaricho baala co'o asse gudi.
16Ferioonino Musenna Aarooni rahotenni woshshiishe, «Ki'nenna Magani'ne Kaaliiqi aana sao assoommo. 17Xa mitte higginella sao'ya agurtine, tenne goofo aani'yanni hoolannoe gede Magano'ne Kaaliiqa huucce"e» yiinsa. 18Museno Feriooni albinni fule ha're, Kaaliiqa huucci. 19Kaaliiqino kanchafare fiite haadhe hadhe Duumu Baari giddo huntannota kaajjado galchimi bubbe kayisi; Gibitsete baattora mittu kanchafarchi nafa digatino. 20Ikkollana, Kaaliiqi Feriooni wodana dilleessino daafira, Israeele hadhara diagurino.
Tunsicho
21Hakkunni gedensaanni Kaaliiqi Muse, «Gibitsete baatto angatenni amandanni gedeehu beebbu tunsichi amadanno gede, angakki iima qolte kayisi» yii. 22Museno angasi iima qole kayisi; Gibitsete baatto baala 3 barra beebbu tunsichi amadi. 23Gibitsootu mimmitonsa affara dandiitinokki daafira, 3 barri geeshsha mininni difultino; Israeele noowa kayinni xawaabbaho.
24Feriooni Muse woshshe, «Hadhine Kaaliiqa magansidhe; meenti'nenna ooso'neno ledo'ne hadhona; ge'reewi'ne, mei'nenna lali'ne kayinni konniicho gatona» yii.
25Museno, «Hatto ikkannoha ikkiro, Maganinke Kaaliiqira kakka'lineemmotanna shilqishi'neemmo saada ati aattonke? 26Horontanni kuni di"ikkanno coyeti; saadanke baala adhine ha'neemmo; mittichu culunqichi nafa digatanno. Maganinke Kaaliiqira kakka'lineemmore saadanke giddonni adhineemmo; hakkiira iillinammo geeshsha kayinni, kakkalleemmo saada hiittootero dianfoommo» yee dawari.
27Kaaliiqi Feriooni wodana dilleessino daafira, manna ha'rara diagurino. 28Kunni daafira Feriooni Muse, «Albi'yanni ho'li! Kunni ka'a ane illera leeltooti! Ille'yara leellootto barra reyatto» yiisi.
29Museno, «Maahoyye yoottonte gede, xaate ate illera dileelleemmo» yiisi.
© The Bible Society of Ethiopia; Sidama Holy Bible BSE-UBS 262 P 2014