FULO 9
9
Saadate goofo
1Kaaliiqi Musera, «Feriooniwa marte, ‹Ibiraawootu Magani Kaaliiqi magansi'rannoe gede manna'ya ha'rona aguri! 2Xaano agurattokkiha ikkiro, 3saadakki baalante aana wolqaataamo dhibba tugeemmo; fardikki, harrekki, gaalikki, lalikki, ge'reewikkinna meikki goofanno. 4Israeeletenna Gibitsete saada mereero badooshshe woreemmo; Israeelete saada giddonni mittuno direyanno. 5Ani Kaaliiqi konne coye ga'a asseemmo› yiino yite kulisi» yii.
6Kaaliiqi layinki soodo yiinonte gede assi; Gibitsootu saada baalanti reyite gooffu; Israeelete saada giddonni kayinni mitte nafa direyitino. 7Feriooni ikkinore xa'meenna, Israeelete saada mitte nafa reyitinokkita kullisi; kuni duuchu ikke hee'reennanni wodanisi dillaawino daafira manna ha'rara diagurino.
Darshe
8Hakkunni gedensaanni Kaaliiqi Musenna Aarooni, «Boosonni buluulo hoowunni cu'mitine haadhineenna, Muse Feriooni albaanni masse iima qole finchona; 9kuni buluuli maniidhino buko gede ikke Gibitsete baatto baala tuqanno yannara, mannunna saadate aana shetissannota busha mada kalaqqanno darshe dagganno» yiinsa. 10Insano shiima buluulo haadhe Feriooni albaanni marte uurritu; Muse iima qole fincita, mannunna saadate aana mada kalaqqanno darshe kalaqantu. 11Bittannorino darshitino daafira, Muse albira shiqa didandiitino. 12Kaaliiqi kayinni Feriooni wodana dilleessi. Isino balaxe kulinonte gede Feriooni Musenna Aarooni yitinore dimacciishshino.
Kaade
13Hakkunni gedensaanni Kaaliiqi Muse, «Ga'a soodo gutte ka'e Feriooniwa marte, ‹Ibiraawootu Magani Kaaliiqi, magansi'rannoe gede manna'ya ha'rona aguri; 14giwittoro kayinni, gobba baalate aana ane gedeehu wolu nookkita afatto gede, ledokki gashshaanonna mannakki calla ikkikkinni, ate umokkino wolqaataamu qoomaminni ganeemmo. 15Atenna mannakki dhibbunni ganoommoro, baalunku baattote aaninni gooffinanni. 16Kayinnilla, reyattokki gede assoommohehu, wolqa'ya afatto gedenna su'mi'ya gobba baalate ayirranno gede assateeti. 17Kuneeti xaa geeshsha kakkachite manna'ya agura giwootto. 18Xa maahoyyena, ga'a tenne yannara, kunni albaanni Gibitsete baattora dirrite egentinokkita akkimale kaade dirriseemmo. 19Kunnira, xawoho noo saadanna gobba noo jajja baala minira qollanni gede hajaji; minira einokki mannanna saada baalanta kaade dirrite guddanno› yite kulisi» yii. 20Feriooni ledo gashshaano giddonni mitu mitu Kaaliiqi coyi'rino coye waajjitino daafira, borojjensanna saadansa minira qo'litu. 21Kaaliiqi coyi'rinore lashshi assituri kayinni, soqqamaanonsanna saadansa gobba agurtu.
22Hakkunni gedensaanni Kaaliiqi Muse, «Gibitsete baattora kaade xeenimma dirrite manna, saadanna gate noo jajja baala gantona, angakki iima qolte kayisi» yiisi. 23Museno siqqo iima qole kayisi; Kaaliiqino beleqonna kaade dirrisi; banqono baatto hawuurtu. Gibitsete baattora kaade xeenimma dirritu. 24Lowo geeshsha bati'ra kaade, banqotenna belequ ledo dirritu; togoo kaade Gibitsete gobbara horonta dirrite diegentino. 25Kaade Gibitsete gobbara xawoho noore baala, mannunna saadano gattukkinni cancantu; gate noo jajja baala cancanteeenna, haqqeno hiiqqaqqante uulla ubbu. 26Kaade Israeelete manni hee'rannowa Geeseemi Baattora calla didirritino.
27Feriooni Musenna Aarooni woshshe, «Cubbo loosoommota xa afoommo; Kaaliiqi garaho; aninna manni'ya kayinni so'noommo. 28Xaate tini wolqaataame kaadenna belequ ikkinonkena, Kaaliiqa huuccenke; hadhinanni gede agureemmo'ne; kunni ka'a konniicho dikeeshshitinanni» yiinsa.
29Museno Ferioonira daware, «Katamunni fulayi hee'renni anga'ya kayise Kaaliiqa huucceemmo; belequnna kaadeno uurritanno; atino baatto Kaaliiqita ikkitinota afatto. 30Atinna ledokki gashshaano Kaaliiqa Magano waajjitinannikkire ikkitinoonnita afoommo» yiisi.
31Dare noo hayixinna daraarte noo shalaalano co'o yite ba'u. 32Qamade kayinni aja noo daafira, ba'ukkinni gattu.
33Muse Feriooniwiinninna katamu giddonni fule ha'ri; angasi fane Kaaliiqa huucceenna, belequ, kaadenna xeenu hakkawoyintenni uurri. 34Feriooni kayinni, kuni coyi uurrinota afihu gedensaanni, galagale cubbo loosi; isinna ledosi gashshaanono wodanansa dilleessitu. 35Feriooni wodanino dillaawi; Kaaliiqi Muse widoonni qole coyi'rinonte gede, Feriooni Israeele hadhara diagurino.
دیاریکراوەکانی ئێستا:
FULO 9: QulMax
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© The Bible Society of Ethiopia; Sidama Holy Bible BSE-UBS 262 P 2014
FULO 9
9
Saadate goofo
1Kaaliiqi Musera, «Feriooniwa marte, ‹Ibiraawootu Magani Kaaliiqi magansi'rannoe gede manna'ya ha'rona aguri! 2Xaano agurattokkiha ikkiro, 3saadakki baalante aana wolqaataamo dhibba tugeemmo; fardikki, harrekki, gaalikki, lalikki, ge'reewikkinna meikki goofanno. 4Israeeletenna Gibitsete saada mereero badooshshe woreemmo; Israeelete saada giddonni mittuno direyanno. 5Ani Kaaliiqi konne coye ga'a asseemmo› yiino yite kulisi» yii.
6Kaaliiqi layinki soodo yiinonte gede assi; Gibitsootu saada baalanti reyite gooffu; Israeelete saada giddonni kayinni mitte nafa direyitino. 7Feriooni ikkinore xa'meenna, Israeelete saada mitte nafa reyitinokkita kullisi; kuni duuchu ikke hee'reennanni wodanisi dillaawino daafira manna ha'rara diagurino.
Darshe
8Hakkunni gedensaanni Kaaliiqi Musenna Aarooni, «Boosonni buluulo hoowunni cu'mitine haadhineenna, Muse Feriooni albaanni masse iima qole finchona; 9kuni buluuli maniidhino buko gede ikke Gibitsete baatto baala tuqanno yannara, mannunna saadate aana shetissannota busha mada kalaqqanno darshe dagganno» yiinsa. 10Insano shiima buluulo haadhe Feriooni albaanni marte uurritu; Muse iima qole fincita, mannunna saadate aana mada kalaqqanno darshe kalaqantu. 11Bittannorino darshitino daafira, Muse albira shiqa didandiitino. 12Kaaliiqi kayinni Feriooni wodana dilleessi. Isino balaxe kulinonte gede Feriooni Musenna Aarooni yitinore dimacciishshino.
Kaade
13Hakkunni gedensaanni Kaaliiqi Muse, «Ga'a soodo gutte ka'e Feriooniwa marte, ‹Ibiraawootu Magani Kaaliiqi, magansi'rannoe gede manna'ya ha'rona aguri; 14giwittoro kayinni, gobba baalate aana ane gedeehu wolu nookkita afatto gede, ledokki gashshaanonna mannakki calla ikkikkinni, ate umokkino wolqaataamu qoomaminni ganeemmo. 15Atenna mannakki dhibbunni ganoommoro, baalunku baattote aaninni gooffinanni. 16Kayinnilla, reyattokki gede assoommohehu, wolqa'ya afatto gedenna su'mi'ya gobba baalate ayirranno gede assateeti. 17Kuneeti xaa geeshsha kakkachite manna'ya agura giwootto. 18Xa maahoyyena, ga'a tenne yannara, kunni albaanni Gibitsete baattora dirrite egentinokkita akkimale kaade dirriseemmo. 19Kunnira, xawoho noo saadanna gobba noo jajja baala minira qollanni gede hajaji; minira einokki mannanna saada baalanta kaade dirrite guddanno› yite kulisi» yii. 20Feriooni ledo gashshaano giddonni mitu mitu Kaaliiqi coyi'rino coye waajjitino daafira, borojjensanna saadansa minira qo'litu. 21Kaaliiqi coyi'rinore lashshi assituri kayinni, soqqamaanonsanna saadansa gobba agurtu.
22Hakkunni gedensaanni Kaaliiqi Muse, «Gibitsete baattora kaade xeenimma dirrite manna, saadanna gate noo jajja baala gantona, angakki iima qolte kayisi» yiisi. 23Museno siqqo iima qole kayisi; Kaaliiqino beleqonna kaade dirrisi; banqono baatto hawuurtu. Gibitsete baattora kaade xeenimma dirritu. 24Lowo geeshsha bati'ra kaade, banqotenna belequ ledo dirritu; togoo kaade Gibitsete gobbara horonta dirrite diegentino. 25Kaade Gibitsete gobbara xawoho noore baala, mannunna saadano gattukkinni cancantu; gate noo jajja baala cancanteeenna, haqqeno hiiqqaqqante uulla ubbu. 26Kaade Israeelete manni hee'rannowa Geeseemi Baattora calla didirritino.
27Feriooni Musenna Aarooni woshshe, «Cubbo loosoommota xa afoommo; Kaaliiqi garaho; aninna manni'ya kayinni so'noommo. 28Xaate tini wolqaataame kaadenna belequ ikkinonkena, Kaaliiqa huuccenke; hadhinanni gede agureemmo'ne; kunni ka'a konniicho dikeeshshitinanni» yiinsa.
29Museno Ferioonira daware, «Katamunni fulayi hee'renni anga'ya kayise Kaaliiqa huucceemmo; belequnna kaadeno uurritanno; atino baatto Kaaliiqita ikkitinota afatto. 30Atinna ledokki gashshaano Kaaliiqa Magano waajjitinannikkire ikkitinoonnita afoommo» yiisi.
31Dare noo hayixinna daraarte noo shalaalano co'o yite ba'u. 32Qamade kayinni aja noo daafira, ba'ukkinni gattu.
33Muse Feriooniwiinninna katamu giddonni fule ha'ri; angasi fane Kaaliiqa huucceenna, belequ, kaadenna xeenu hakkawoyintenni uurri. 34Feriooni kayinni, kuni coyi uurrinota afihu gedensaanni, galagale cubbo loosi; isinna ledosi gashshaanono wodanansa dilleessitu. 35Feriooni wodanino dillaawi; Kaaliiqi Muse widoonni qole coyi'rinonte gede, Feriooni Israeele hadhara diagurino.
© The Bible Society of Ethiopia; Sidama Holy Bible BSE-UBS 262 P 2014