FULO 11
11
GIBITSOOTUNNIHU UMI UMIRICHI REYI
1Hakkunni gedensaanni Kaaliiqi Musera, «Feriooniranna mannisira mitto qoomama lede soyemmo; hakkunni gedensaanni hadhinanni gede aguranno'ne; aguranno'ne woyite, mittuno gattinikkinni shorre ha'risanno'ne. 2Israeelete manni labbaahuno meyatino ollaansa ikkitino Gibitsootiwiinni culkunna birru irra huuccidhe adhitanno gede xaanni kulinsa» yiisi. 3Kaaliiqi, Israeelete Gibitsootu albaanni gaacheena uyinsa; Feriooni ledo gashshaanonna mannu baalu, Museno ayirrisisi.
4Muse Ferioonira, «Kaaliiqi, ‹Hashshu mereero Gibitsete baattora ha'rameemmo. 5Mootimma ragi'rannohu Feriooni beettinni kayise, woroonni noo borojjicho iltino beetti geeshsha, Gibitsete baattora umo ilaminohu baalu reyanno; saadanniti umi qallono reyitanno. 6Gibitsete baatto baalate ikkite egentinokkitinna kunni ka'ano ikkitannokkiti wolqaataame wi'la kalaqantanno. 7Israeeletenna saadansa mereero kayinni kashshi yaannori nafa dihee'ranno. Hatte yannara ani Israeeletenna Gibitsete mereero badooshshe woroommota affinanni› yiino» yee kulisi. 8Museno, «Ledokki gashshaano baalu dagge woxarattannoe; manna'ya adhe ha'reemmo gede huuccidhannoe; hakkunni gedensaanni ha'reemmo» yee hasaawasi gudi; tenne coyi'rihu gedensaanni, lowo geeshsha hanqe Feriooni albinni fule ha'ri.
9Kaaliiqi balaxe Musera, «Feriooni ki'ne yitinoonnita dimacciishshanno; macciishsha giwannohuno, Gibitsete gobbara asseemmoti lowo maalale gatte noo daafiraati» yee kulinosi. 10Musenna Aarooni tenne maalale baala Feriooni albaanni assitu; kayinnilla, Kaaliiqi Feriooni wodana dilleessino daafira Israeele gobbasinni fultara diagurino.
دیاریکراوەکانی ئێستا:
FULO 11: QulMax
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© The Bible Society of Ethiopia; Sidama Holy Bible BSE-UBS 262 P 2014
FULO 11
11
GIBITSOOTUNNIHU UMI UMIRICHI REYI
1Hakkunni gedensaanni Kaaliiqi Musera, «Feriooniranna mannisira mitto qoomama lede soyemmo; hakkunni gedensaanni hadhinanni gede aguranno'ne; aguranno'ne woyite, mittuno gattinikkinni shorre ha'risanno'ne. 2Israeelete manni labbaahuno meyatino ollaansa ikkitino Gibitsootiwiinni culkunna birru irra huuccidhe adhitanno gede xaanni kulinsa» yiisi. 3Kaaliiqi, Israeelete Gibitsootu albaanni gaacheena uyinsa; Feriooni ledo gashshaanonna mannu baalu, Museno ayirrisisi.
4Muse Ferioonira, «Kaaliiqi, ‹Hashshu mereero Gibitsete baattora ha'rameemmo. 5Mootimma ragi'rannohu Feriooni beettinni kayise, woroonni noo borojjicho iltino beetti geeshsha, Gibitsete baattora umo ilaminohu baalu reyanno; saadanniti umi qallono reyitanno. 6Gibitsete baatto baalate ikkite egentinokkitinna kunni ka'ano ikkitannokkiti wolqaataame wi'la kalaqantanno. 7Israeeletenna saadansa mereero kayinni kashshi yaannori nafa dihee'ranno. Hatte yannara ani Israeeletenna Gibitsete mereero badooshshe woroommota affinanni› yiino» yee kulisi. 8Museno, «Ledokki gashshaano baalu dagge woxarattannoe; manna'ya adhe ha'reemmo gede huuccidhannoe; hakkunni gedensaanni ha'reemmo» yee hasaawasi gudi; tenne coyi'rihu gedensaanni, lowo geeshsha hanqe Feriooni albinni fule ha'ri.
9Kaaliiqi balaxe Musera, «Feriooni ki'ne yitinoonnita dimacciishshanno; macciishsha giwannohuno, Gibitsete gobbara asseemmoti lowo maalale gatte noo daafiraati» yee kulinosi. 10Musenna Aarooni tenne maalale baala Feriooni albaanni assitu; kayinnilla, Kaaliiqi Feriooni wodana dilleessino daafira Israeele gobbasinni fultara diagurino.
© The Bible Society of Ethiopia; Sidama Holy Bible BSE-UBS 262 P 2014