ڢِتُواْوَ غَبَاتَرْوَ
غَبَاتَرْوَ
أَنْ طَوْكَ ثٜىٰوَ مُوسَٰى نٜىٰ مَرُبُوثِنْ لِتَّڢِنْ ڢِتُواْوَ؞ مُهِمِّنْ أَبُ ثِكِنْ لِتَّڢِنَّنْ شِينٜىٰ ڢِتُواْوَرْ إِسْرَٰٓءِيلَاوَا دَغَ بَوْتَا عَڧَسَرْ مَصَرْ؞ لِتَّڢِنْ ڢِتُواْوَ يَنَدَ مَنْيَنْ سَاشٜىٰ غُدَا حُطُ؞
1﴾ سَامُنْ یَنْثِنْ إِسْرَٰٓءِيلَاوَا دَغَ بَوْتَا عَڧَسَرْ مَصَرْ،
2﴾ تَڢِيَرْسُ ذُوَا بَبَّنْ تُدُنْ سِنَيْ،
3﴾ طَوْرِنْ يَرْجٜىٰجٜىٰنِيَرْ اللَّهْ تَرٜىٰدَ مُتَنٜىٰنْسَ أَ سِنَيْ، وَدَّ يَبَاسُ دُواْكُواْكِنْ رَايُوَا دَ نَذَمَنْ أَلْعُمَّ دَ نَأَدِّينِ،
4﴾ شِرِنْ تٜىٰنْتِنْ كَسَنْثٜىٰوَرْ يَهْوٜىٰهْ دَ كَايَيَّكِنْ وُرِنْ سُجَّدَ دُواْمِنْ إِسْرَٰٓءِيلَ دَ كُمَ دُواْكُواْكِ عَكَنْ ذَمَنْ ڢِرِسْتُواْثِے دَ كُمَ يَدَّ ذَاعَيِ وَ يَهْوٜىٰهْ سُجَّدَ؞
مُوسَٰى نٜىٰ مُتُمِنْ دَ عَكَڢِے بَيَّنَشِ عَثِكِنْ وَنَّنْ لِتَّڢِ؞ أَنْ سَنْ مُوسَٰى عَكَنْ شِينٜىٰ مُتُمِنْ دَ اللَّهْ يَا ذَاٻَا يَجَغُواْرَنْثِ مُتَنٜىٰنْسَ دَغَ ڧَسَرْ مَصَرْ، شِينٜىٰ اللَّهْ يَبَا شِ دُواْكُواْكِ غُواْمَ، شِينٜىٰ يَيِ أَدُّعَ أَمَدَدِنْ جَمَعَرْ إِسْرَٰٓءِيلَ، شِينٜىٰ كُمَ يَيِ بِيَيَّ غَ اللَّهْ ثِكِنْ عَيْكِنْ شِرِنْ تٜىٰنْتِنْ كَسَنْثٜىٰوَرْ يَهْوٜىٰهْ؞
ڢِيٜىٰ دَكُواْمٜىٰ، لِتَّڢِنَّنْ يَا بَادَ لَابَرِنْ أَبِنْدَ اللَّهْ يَيِ، تَوُرِنْ یَنْتَرْدَ مُتَنٜىٰنْسَ إِسْرَٰٓءِيلَ، يَكُمَ شِرْيَسُ يَدَّ ذَاسُ ذَمَ أَلْعُمَّ مَيْسَا ذُوثِيَا غَ ثِكَاوَرْ يَرْجٜىٰجٜىٰنِيَرْسَ دَسُو؞
أَبُبُوَنْ دَ سُكٜىٰ ثِكِ
إِسْرَٰٓءِيلَاوَا سُنْ سَامِ یَنْثِ دَغَ ڧَسَرْ مَصَرْ 1.1—15.21
1؞ ذَمَنْ بَوْتَا عَڧَسَرْ مَصَرْ 1.1-22
2؞ حَيْڢُوَرْ مُوسَٰى دَ ڢَرْكُوانْ رَايُوَرْسَ 2.1—4.31
3؞ مُوسَٰى دَ هَٰرُونَ سُنْ ڢُسْكَنْثِ ڢِرْعَوْنَ سَرْكِنْ مَصَرْ 5.1—11.10
4؞ بِكٍ ڧٜىٰتَرٜىٰوَ دَ كُمَ ڢِتُواْوَ دَغَ مَصَرْ 12.1—15.21
دَغَ جَنْ تٜىٰكُ ذُوَا بَبَّنْ تُدُنْ سِنَيْ 15.22—18.27
يَرْجٜىٰجٜىٰنِيَ دَ دُواْكُواْكِنْتَ 19.1—24.18
تٜىٰنْتِ مَيْ ڟَرْكِے دَ ڧَٰعِدُواْدِ دُواْمِنْ سُجَّدَ 25.1—40.38
لِتَّڢِنْ ڢِتُواْوَ
المحددات الحالية:
ڢِتُواْوَ غَبَاتَرْوَ: hauAS
تمييز النص
نسخ
قارن
شارك
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Hausa Common Language Ajami Bible © The Bible Society of Nigeria, 2020