2 कुरिन्थियों 2

1में पेल्याइस ते कर मेल्यो हो के, मूँ थाँने तापड़न दुक देबाने पाछो थाँका नके ने आऊँ। 2काँके यद्याँ मूँ थाँने दकी करूँ तो पछे मने कूण राजी करी? थाँकाणी ने, ज्याँने में दुक दिदो हे। 3ईंवातेइस में थाँने आ बात पेल्या लिकी ही के, जद्याँ मूँ थाँका नके आऊँ तो वाँ मनकाँऊँ ज्यो मने राजी राके हे, वाँकी वजेऊँ मने दुक ने वेवे, काँके मूँ थाँ हारई पे विस्वास करूँ हूँ के, थाँ मारे राजी रेवाऊँइस राजी रेवो हो। 4काँके में ईं बाताँ दकऊँ भरिया तका हरदा का हाते अन रोता तका थाँका वाते लिकी हे। पण थाँने दुक देबा का वाते ईं बाताँ ने लिकी हे, पण ईं वाते लिकी हे के, ज्यो परेम मूँ थाँकाऊँ करूँ हूँ, थाँ वींने जाण जावो।

पापी मनकाँ ने माप करो

5अन यद्याँ कणी मने दुक दिदो हे, तो वणी बेस मनेइस ने दिदो हे, पण वणी थाँने भी दुक दिदो हे। मूँ थाँका पे कल्ड़ो ने पड़णो छारियो हूँ। 6अस्या मनक ने थाँ विस्वास्याँ को समाज ज्यो दण्ड दिदो हे, वो खुब हे। 7पण थाँ तो वींको उल्टो करो, वीं मनक ने माप कर दो अन वींकी हिम्मत बड़ावो के, वो भी आगे जा सके जणीऊँ वीं दुक मेंईस ने डूब्या रेवे। 8ईं वाते मूँ थाँकाऊँ अरज करूँ हूँ के, थाँ ओ साबत करज्यो के, थाँ वणीऊँ परेम करो हो। 9अन में ओ देकबा का वाते या बात लिकी ही के, थाँ परक में खरा निकळो के ने अन हारी बाताँ में मानबावाळा हो कन ने। 10यद्याँ थाँ किंने कस्यी भी बात का वाते भी माप करो हो वींने मूँ भी माप करूँ हूँ अन ज्यो कई भी मूँ माप करूँ हूँ वो मसी का हामे थाँका वाते किदो ग्यो हे, 11जणीऊँ आपाँ सेतानऊँ हारा कोयने, काँके आपाँ वींकी चाल ने जाणा हाँ।

पोलुस को दकी वेणो

12 # थर 20:1 जद्याँ मूँ मसी का हव हमच्यार को परच्यार करबा का वाते त्रोआस आयो हो, तो मारा वाते परबू गेलो खोल दिदो हो। 13पण मारा विस्वासी भई तीतूस ने वटे ने देकन मारो मन घणो दकी व्यो, तो मूँ वटेऊँ हिक लेन मकिदुनिया आड़ी चाल पड़्यो।

मसी में जीत

14परमेसर को धन्नेवाद वे ज्यो आपाँने मसी की वजेऊँ जीतावे हे अन खुद का ग्यान की हव बाना ने आपणाँऊँ हारी जगाँ फेलावे हे। 15ज्यो नास वेरिया हे अन ज्यो बंचाया जारिया हे, वाँका बचमें आपाँ धुप की हव बाना का जस्यान हाँ, ज्या मसी परमेसर ने चड़ावे हे। 16पण वाँका वाते ज्यो मोत का गेला पे नास वेबा का वाते जारिया हे वाँका वाते मोत का जस्यान की बाना हाँ ज्यो मोत का आड़ी ले जावे हे। पण वाँ मनकाँ वाते ज्यो बंचाया जाबा का गेला का आड़ी जारिया हे वाँका वाते जीवन का जस्यान की बाना हाँ ज्यो वाँने जीवन का आड़ी बड़ावे हे। पण अणी बाताँ का जोगा कूण हे? 17परमेसर का बचनाँ को वोपार करबावाळा नरई मनक हे वीं आपणो नफो छावे हे पण माँ अस्यान ने हाँ। माँ तो परमेसर का आड़ीऊँ खन्दाया तका मनक का जस्यान मसी ने हाते लेन, हाँचऊँ बोला हाँ।

المحددات الحالية:

2 कुरिन्थियों 2: एम टी आर

تمييز النص

نسخ

هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول