Саалтыр 52

1Хуор салайааччытыгар. Флейта доҕуһуолунан. Давид үөрэтиитэ.

2Өйө суохтар истэригэр

«Таҥара суох» дии саныыллар.

Бары сатарыйбыттар, сидьиҥник быһыыланаллар;

үтүөнү оҥорор киһи ким да суох.

3Биир эмэ өйдөөҕү-төйдөөҕү,

Таҥараны көрдөөччүнү булан көрөөрү,

Таҥара халлаантан киһи аймаҕы анаарар.

4Бары уҥа-хаҥас туораабыттар,

бары туһаларыттан тахсыбыттар;

үтүөнү оҥорор киһи суох, биир да суох.

5Ама өйдөнүөхтэрэ суоҕа дуо буруйу оҥорооччулар,

мин норуоппун килиэптии мэҥиэстээччилэр,

Таҥараны ыҥыран көрбөт дьон?

6Кинилэр онно, улуу кутталга ылларан,

хаһан да уолуйбатахтарын уолуйуохтара:

эйигин утары турунааччылар уҥуохтарын

Таҥара урусхал оҥортуоҕа.

Кинилэртэн Таҥара аккаастанна,

онон эн кинилэри саакка ыытыаҕыҥ.

7Оо, Сионтан Израильга быыһабыл кэлэрэ буоллар!

Таҥара норуотун билиэнтэн төнүннэрдэҕинэ,

Иаков үөрүөҕэ-көтүөҕэ, Израиль өрөгөйө үрдүөҕэ.

المحددات الحالية:

Саалтыр 52: СБК

تمييز النص

نسخ

هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول