آيات مشهورة من الكتاب المقدس منBabetesi 6

شارك

Nkabela angelo wa-Jehova wakamubonekela, wakamwaambila kuti, Jehova uli ayebo, O mwaalumi singuzu.

Mpawo Jehova wakamucebuka, wakati, Koya anguzu ezi nzopedwe, ukavune ba-Israyeli kumaanza aaba-Midyani. Sa teensi ndime ndakutuma na?

Elyo Jehova wakamwaambila kuti, Ncobeni njooba ayebo, nkabela ba-Midyani uyoobauma mbuli mbwaumwa muntu omwe buyo.

Gideoni wakati, We! mwami! Na Jehova uli aswe, ino nkaambonzi notujene mapenzi aya oonse? Alimwi ali kuli malele oonse bamatatesu ngubakatwaambila nibakaamba kuti, Jehova nguwakatupozya munyika ya-Egepita. Anukuti sunu Jehova watusia, watwaaba mumaanza aaba-Midyani.

Wakamuvwiila kuti, Akaka mwami! Mebo nkavune buti ba-Israyeli? Luzubo lwangu nduniini akati kanzubo zya-Manase, ambebo ndimuniini muluzubo lwataata

Nkabela angelo wa-Jehova wakasika, wakala munsi lyamusamu mupati wamu-Ofira kuli-Joasi mu-Abiezeri. Lino mwanaakwe Gideoni wakali kuvwimbula bulotwe mudindi lyakusinina masaansa, kuti abusise kumeso aaba-Midyani.

Mpawo Gideoni wakayakila Jehova cipaililo nkukonya oko, wakacibanda Jehova-siluumuno. Asunu mpocicili nkukonya ku-Ofiri wa-Abiezeri.

Lino Gideoni wakamwaambila kuti, Na ncobeni ndijene luse mumeso aako, ukandicitile citondezyo cakutondezya kuti nduwe ngundaambaula ayebo.

Pele Jehova wakamwaambila kuti, Moyo wako ube aluumuno. Utayoowi, nkaambo tokoofwa pe.

Lino bana ba-Israyeli bakacita bubi mumeso aa-Jehova, nkabela Jehova wakabaaba mumaanza aaba-Midyani myaka iili musanu aibili.