آيات مشهورة من الكتاب المقدس منBabetesi 16

شارك

Mpawo wakamwaambila kuti, Ba-Filisti bakuzida, Samsoni, Lino wakasinsimuka, wakati, Nje anze mbuli lyoonse, nkalyoolole. Pele katezi kuti Jehova ulimusiide.

Mpawo Samsoni wakakwiilila Jehova, wakati, O Mwami Jehova, ndakumbila kuti undiyeeye akundipa inguzu ciindi comwe buyo, O Leza, kuti nkateme mulandu kulibasinkondoma ba-Filisti lomwe nkaambo kameso aangu obile.

Elyo wakamwaambila makani oonse aamumoyo wakwe, wakati, Taakwe nindakagelwa abuniini, nkaambo ciindi coonse ndakali mu-Naziri wa-Leza, kuzwa mwida lyabama. Na ndagelwa, inguzu zyangu zilamana, njookompama akuba mbubonya mbuli bantu boonse.

Lino naakatalika kumukataazya amajwi aakwe mazuba oonse, akumusungilizya, moyo wakwe wakapenga loko cakufwa.

Nkabela Samsoni wakati, Mfwe antoomwe abaFilisti. Lino wakakotama anguzu zyakwe zyoonse, nkabela iŋanda yakawa akubalimba bami abantu boonse ibakali mumo, Aboobo bantu mbaakajaya mulufu lwakwe bakali banji kwiinda bantu mbaakajaya naakacili muumi