آيات مشهورة من الكتاب المقدس منKulonga 10

شارك

Lino Jehova wakaambila Musa kuti, Koya kuli-Farao, nkaambo ndayumya moyo wakwe amyoyo yabalanda bakwe, kuti nkacite aya malele aangu akati kabo, mukaluule mumatwi aabana banu amumizukulu yanu makani aayoosya ngendacitila ba-Egepita azitondezyo zyangu nzindakabika akati kabo, aboobo muyooziba kuti ndime Jehova.

Lino Jehova wakaambila Musa kuti, Tondeka ijanza lyako kujulu, kuti kube mudima mucisi ca-Egepita, mudima uuampaampwa. Aboobo Musa wakatondeka ijanza lyakwe kujulu, nkabela kwakaba mudima uusia mbi munyika yoonse ya-Egepita mazuba otatwe. Teebakali kubonana umwi aumwi amweenzinyina, alimwi teebakabuka umwi aumwi mpaakabede mazuba otatwe, Pele bana boonse ba-Israyeli kabajisi mumuni mumakalilo aabo.

Mpawo Musa wakatandabika musako wakwe atala lyacisi ca-Egepita, nkabela Jehova wakaungya muuwo wakujwe munyika buzuba obo boonse isikati amasiku, Lino nebwakaca, oyo muuwo wakujwe wakaleta cisozi. Cisozi cakasika mucisi coonse ca-Egepita, akukala munyika yoonse ya-Egepita. Eco cisozi cakayoosya loko. Taakwe nikwakabede cisozi cili boobu, pe, alimwi takukooyooba cimbi cili boobu.