آيات مشهورة من الكتاب المقدس منDeuteronomo 30

شارك

Ndatamba ijulu anyika buzuba obuno, kuti zyoonse zibe bakamboni bangu, kuzibwe kuti buumi alufu, lulongezyo alutuko, zyoonse ndazibika kuti mulisalile. Amusale buumi, kuti mupone, nywebo abana banu. Amuyandisye Jehova Leza wanu, amuswiilile ijwi lyakwe, amumukakatile, nkaambo kucita obo kulamuletela buumi akoongola, kuti mukale munyika eyo Jehova njaakakonkezya kupa bamausowanu, Abrahamu a-Izaka a-Jakobo.

Na mwaswiilila milumbe ya-Jehova Leza wanu njendamulailila buzuba obuno, na mwayandisya, Jehova Leza wanu, na mweenda munzila zyakwe akubamba malailile aakwe amilazyo yakwe ambeta zyakwe, muyoopona akwaanda, nkabela Jehova Leza wanu uyoomulongezya omo munyika njemuyoovuba.

Amubone! Buzuba obuno ndamubikila buumi acoolwe, lufu amapenzi.

Pe! Ijwi lili kufwaafwi loko, lili mukanwa lyanu amumyoyo yanu.

Jehova Leza wanu uyoopalula myoyo yanu amyoyo yalunyungu lwanu, kuti muyandisye Jehova Leza wanu camoyo woonse acamuuya woonse, kuti mube abuumi.

Nkabela Jehova Leza wanu uyoomuvuzizya coolwe mumilimo yoonse yamaanza aanu, munyungu zyamibili yanu amunyungu zyaŋombe zyanu amunyungu zyamicelo yanyika yanu, nkaambo Jehova uyookondwa alimwi kumupa coolwe, mbubonya mbwaakakondwa kulibamausowanu

Pele na myoyo yanu yaleya, na mwabula kuswiilila, na mwaongelezegwa kukotamina baleza bambi milimo, ndamuzibya buzuba obuno kuti ncobeni muyoonyonyooka; tamukooyoongola munyika eyo njemuyoovuba omo mutala lya-Jordano.

Nkaambo mulazyo oyu ngundamulailila buzuba obuno tuuyoosyi pe, alimwi tuuli kule.

Tuuli kujulu; tamukonzyi kwaamba kuti, Ngwani uukonzya kuya kujulu kuyoouleta, kuti tuuswiilile akuucita?

Tuuli mutala alwizi; tamukonzyi kwaamba kuti, Ngwani uukonzya kuzubuka lwizi kuyoouleta, kuti tuuswiilile akuucita?