Mebo ndaamba kutola lweendo ndubatola bantu baansi boonse. Lino uwe koyuma akuba mwaalumi mwini-mwini. Bamba imbeta zya-Jehova Leza wako, uende munzila zyakwe akutobela milao yakwe amilazyo yakwe ambeta zyakwe azitondezyo zyakwe mbubonya mbukulembedwe mubbuku lyamulao wa-Musa, kuti ube acoolwe muzintu zyoonse nzyocita akoonse koonse nkoya. Cita Jehova acite ncobeni mbubonya mbwaakandaambila kuti, Na bana bako bacenjele munzila zyabo akweenda kubusyu bwangu cabwini acamoyo woonse acamuuya woonse, takukooyookubulila muntu sikukala acuuno cabwami bwa-Israyeli.