آيات مشهورة من الكتاب المقدس من1 Bami 17

شارك

Nkaambo mbuboobu mbwaamba Jehova Leza wa-Israyeli. Cinkuli cabusu tacikooyoomana, ayalo insazi yamafuta taikooyooyuminina, mane kusikila kubuzuba obo Jehova mbwati wisye imvula anyika.

Lino Eliya waku-Tisibe mucisi ca-Gileadi wakaambila Ahabu kuti, Ncobeni mbwali muumi Jehova Leza wa-Israyeli, ngunjiiminide kubusyu bwakwe, takukooyooba imvula nuuba mume myaka ino cita nkaambe mebo.

Pele Eliya wakamwaambila kuti, Utayoowi, Koya ukajike mbubonya mboamba. Pele taanguna kundijikila mebo kasima kasyoonto, ukandiletele okuno, Lino kusule uyoolijikila, webo amwanaako.

Wakavuwa kuti, Ma! Jehova Leza wako mbali muumi, nsijisi zyakujika cita inkankamaanza yomwe buyo yabusu iili mucinkuli, atumafuta tuniini munsazi. Lino ndili mukutebba tukuni tobile twakujisya, kuti tulye, mebo amwanaangu, elyo tulafwa.

Buka, uinke ku-Zarefati mucisi ca-Sidoni, ukakale nkuko, Bona! Ndalailila umwi mukamufu wakooko kuti akulele.

Cinkuli cabusu tacikwe nicakamana, ayalo insazi yamafuta tiikwe niyakayuminina, mbubonya mbuli ijwi lya-Jehova ndyaakaamba kumulomo wa-Eliya.

Mpawo wakaakucita mbubonya mbuli Eliya mbwaakalailila, nkabela bakaiya boonse, Eliya amwanakazi amwanaakwe musankwa, mazuba manji.

Mpawo wakanyamuka, waya ku-Zarefati, nkabela naakasika kumulyango wamunzi, wakajana mukamufu mpawo, uli mukutebba inkuni. Lino wakamwiita, wati, Kondiletela tumaanzi mukanywido, nywe.

Lino uyoonywa maanzi mukalonga, alimwi ndalailila bacikwangala kuti bakusanine.

Elyo naakali kuya kukuleta, wakoompolola kuti, Ulete amunsuma wansima mujanza lyako.

Nkabela bacikwangala mbobakali kumuletela insima anyama cifumo, alimwi insima anyama mangolezya, akunywa wakali kunywa maanzi mukalonga.

Pele nicakaba ciindi, kalonga kakayuminina, nkaambo nyika yoonse teeyakawidwa imvula.

Elyo mwanakazi wakaambila Eliya kuti, Lino eci candizibya loko kuti uli muntu wa-Leza, ajwi lya-Jehova lyamumulomo wako ndyalusinizyo.

Elyo wakainka, wacita mbubonya mbuli ijwi lya-Jehova, waakukala kukalonga ka-Keriti kali kujwe lya-Jordano.

Nkabela Jehova wakaswiilila ijwi lya-Eliya, aboobo muuya wamwana wakaboola mumubili wakwe, wapona.