آيات مشهورة من الكتاب المقدس منSAN MATEO 28

شارك

Yaa ma̱ lcaa quichi̱ nde chalyuu cha' ca tsa'a̱ lcaa ñati̱ cha' jna'. Li' tyucuatya ma̱ ji'i̱ ngu' chacuayá' ji'i̱ ycui' Ndyosi Sti na', jua'a̱ chacuayá' jna' nu laca̱ Sñi' ycui' Ndyosi, jua'a̱ chacuayá' ji'i̱ Xtyi'i ycui' Ndyosi. Culu'u ma̱ ji'i̱ ngu' bi', cha' taquiya' ngu' lcaa cña nu cua ngulu'u na' ji'i̱ ma̱. Lo'o jua'a̱ tyi'u ti' ma̱ cha' nu nchcui' na' lo'o ma̱, cha' tyi'i̱ na' lo'o ma̱ lcaa tsa̱ hasta ña'a̱ cuayá' tye chalyuu. Tsa lo cua ti cha' nacui̱ Jesús.

Li' ñaa Jesús cacua la, nchcui' lo'o ngu': ―Cua nda ycui' Ndyosi Sti na' lcaa chacuayá' 'na cha' laca na' loo ji'i̱ lcaa na, masi lcaa na nu ntsu'u ca slo ycui' Ni nde cua̱, masi lcaa na nu ntsu'u nde chalyuu ―nacui̱ Jesús ji'i̱ ngu'―.

Li' nchcui' xca̱ bi' lo'o nu ngu' cuna'a̱ bi': ―Ná cutsi̱i̱ ma̱ ―nacui̱ ji'i̱ ngu' cuna'a̱ bi'―. Jlo ti' na' cha' nclyana ma̱ ji'i̱ Jesús nu ngujuii lo crusi. Nga'aa ntsiya yu bi' ca nde cha' cua ndyu'ú yu chaca quiya', ñi'ya̱ nu nacui̱ ycui' yu ji'i̱ ma̱ tya tsubi' la. Cua̱a̱ ma̱, ca̱a̱ ma̱ ña'a̱ ma̱ ca su ngustii jyo'o yu.

―Ná cutsi̱i̱ ma̱ ―nacui̱ Jesús ji'i̱ ngu' bi' li'―. Yaa clya ma̱ cacha' ma̱ ji'i̱ ngu' tya'a na' cha' ntsu'u cha' tsa'a na' nde Galilea; ca bi' tyacua tya'a ngu' lo'o na', ñacui̱ ma̱ ji'i̱ ngu'.

Hora ti ndyu'u ti'i̱ lcaa sti jo'ó nu laca loo lo'o lcaa ngu' cusu' ji'i̱ ngu' judío, cha' ca stu'ba cha' ji'i̱ ngu' lo'o tya'a ngu', ñi'ya̱ ña'a̱ cha' nu ta ngu' lo'o lcaa ñati̱. Li' nda ngu' nu laca loo bi' quiña'a̱ xi cñi ji'i̱ ngu' sendaru bi', cha' tacu̱' ngu' ji'i̱ cha' ñi'ya̱ nu ngua. ―Ndi'ya̱ ñacui̱ ma̱ ji'i̱ ñati̱: “Talya laja lo'o laja' ti ya, li' ndyalaa nu ngu' nu ngua tsa'a̱ ji'i̱ jyo'o Jesús bi', nguaana ngu' bi' ji'i̱ jyo'o bi'”. Jua'a̱ cha' ta ma̱ lo'o ñati̱ ―nacui̱ ngu' nu laca loo bi' ji'i̱ ngu' sendaru―. Lo'o li' si cuna ycui' gobernador nu laca loo ji'na cha' re, li' chcui' ya lo'o yu cha' ná xcube' yu ji'i̱ ma̱. Jua'a̱ cui̱i̱ nda ngu' nu laca loo bi' lo'o ngu' sendaru. Li' ngusñi ngu' sendaru bi' cñi bi'; ndu'u ngu' ndyaa ngu' nchcui' ngu' lo'o ñati̱ ñi'ya̱ nu ntsu'u cña ji'i̱ ngu' cha' chcui' ngu'. Bi' cha' hasta juani ña'a̱ ti jlya ti' ngu' judío cha' jua'a̱ ngua ji'i̱ jyo'o Jesús.