آيات مشهورة من الكتاب المقدس منSAN MATEO 26

شارك

Tii ti ti' ma̱ tyi'i̱ ma̱ juani lacua, cha' chcui' ma̱ lo'o ycui' Ndyosi cha' ná tyiji̱loo nu cuiñaja ji'i̱ ma̱. Jlo ti' na' cha' tyucui tyiquee ma̱ ntaja'a̱ ma̱ cua'ni ma̱ cña re 'na, pana ná tyu'u scua juersa ji'i̱ ma̱, yala tsa ndyaja' ma̱.

Li' nchcui' Jesús lo'o nu sna tya'a ngu' bi': ―Ne' cresiya 'na ntsu'u sca cha' nu xñi'i̱ ti' na'. Nga'aa talo na' cha' xñi'i̱ tsa ti' na'. Tyanu cu'ma̱ nde ti, pana tii ti ti' ma̱ tyi'i̱ ma̱ lo'o na'.

Li' tya ndyaa la xi yu ca nde bi' la. Nde loo ti yu ndyaa stii yu lo yuu cha' xñi'i̱ tsa ti' yu. Li' nchcui' yu lo'o ycui' Ndyosi, ndi'ya̱ nu nacui̱ yu: ―Sti na', ¿ha ná ntsu'u xi xa' la ña'a̱ nu cua'ni na' cña re, cha' nga'aa chcube' la na' lo'o cña tlyu re jinu'u̱? ―nacui̱ Jesús ji'i̱ ycui' Ndyosi Sti yu―. Pana nti' na' cua'ni na' cña nu nti' nu'u̱ cha' cua'ni na'.

cha' ñi'ya̱ nti' tañi na', jua'a̱ nti' nu nde. Laca bi' sca cha' nu culu'u liñi ji'i̱ ma̱ cha' chaca quiya' quiñi cha' ji'i̱ ycui' Ndyosi lo'o ñati̱ chalyuu, nu lo'o tyalú tañi na' lo crusi. Jua'a̱ cua'ni lyaá Ni ji'i̱ quiña'a̱ tsa tya'a ma̱, nu lo'o cua'ni clyu ti' Ni ji'i̱ qui'ya nu ntsu'u ji'i̱ ma̱.

Laja lo'o ndyacu ngu', li' ngusñi Jesús sca xlyá, ndya xlya'be ji'i̱ ycui' Ndyosi, ngusa'be ji'i̱ xlyá bi'. Li' nda Jesús yu'be xlyá bi' ji'i̱ ngu' nu ndyaca tsa'a̱ ji'i̱. ―Cacu ma̱ xlyá re, cha' ñi'ya̱ nti' cuaña' na', jua'a̱ nti' nu nde ―nacui̱ Jesús ji'i̱ ngu' bi'.

Lo'o li' ngusñi Jesús sca vaso vino, ndya xlya'be ji'i̱ ycui' Ndyosi. Li' nda vaso vino bi' ji'i̱ ngu' nu ndyaca tsa'a̱ ji'i̱. ―Lcaa cu'ma̱ co'o ma̱ vino re ―nacui̱ Jesús―

Lo'o li' nxtyu̱u̱ yu ñaa yu su ndi'i̱ nu ca ta'a sna ngu' bi'. Laja' tsa ngu' li'. Lo'o li' nchcui' yu lo'o nu Pedro bi': ―¿Ha ná nchca talo nu'u̱ ni sca hora ti nu tii ti ti' nu'u̱ tyi'i̱ nu'u̱ lo'o na'? ―nacui̱ Jesús ji'i̱―.

Liñi tsa cha' nu chcui' na' lo'o ma̱ juani, cha' nga'aa co'o na' vino juani, ña'a̱ cuayá' nu tyalaa tsa̱ bi' lo'o co'o na' ji'i̱ stu'ba ti lo'o cu'ma̱ slo ycui' Ndyosi Sti na', ca su ntucua ycui' Ni nu laca loo.

Lo'o li' ndyi'u ti' Pedro cha' nu nchcui' Jesús lo'o yu tya tsa̱ la, nu lo'o ndi'ya̱ nacui̱ Jesús ji'i̱ yu: “Nu lo'o bilya xi'ya ndye'e talya juani, sna quiya' chcui' nu'u̱ lo'o ñati̱ cha' ná nslo nu'u̱ 'na”. Jua'a̱ nacui̱ Jesús tsa̱ la, bi' cha' ndu'u Pedro ndyaa yu li'; nxi'ya tsa yu ndyaa yu cha' xñi'i̱ tsa ti' yu li'.

tyatu̱ ma̱ cha' tyaa na, cha' cua ndyalaa yu nu ta 'na ya' ngu' cuxi bi'.

Lo'o li' ngulo Jesús cña ji'i̱ yu bi': ―Xco'o nu'u̱ maxtyi cusu̱u̱ cua hi̱ ―nacui̱ ji'i̱ yu bi'―. Lcaa ngu' nu nxu̱u̱ tya'a lo'o maxtyi, jua'a̱ cajaa ngu' bi' xqui'ya maxtyi.